En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Concello de Muras.

Volume total anual: 580 m³/ano.

Caudal máximo instantáneo: 0,6 l/s.

Destino: extinción de incendios forestais.

Orixe: x: 613529, y: 4811631 (ERTS-89, fuso 29).

Lugar: Abertal.

Parroquia: Balsa, A (Santa María).

Concello: Muras.

Descrición do aproveitamento:

Captaríanse as augas das sobrantes dun aproveitamento do mesmo manancial para abastecer a parroquia da Balsa (tramitado no expediente DH.A27.69800). As augas condúcense ata un depósito de formigón de 116 m³ de capacidade para a extinción de incendios, que se construirá na parcela 27033A096003360000FW na zona de policía dun rego innominado.

O proxecto pode consultarse na sección de participación pública do Portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa Vicente Ferrer, 2, 9º andar, 15008 A Coruña. Para facilitar esta consulta poderá solicitar cita previa no teléfono 981 18 25 30.

As persoas interesadas poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións publicas.

A Coruña, 30 de xuño de 2025

Néstor Rodríguez Arias
Xefe do Servizo Territorial da Zona Hidrográfica de Galicia Norte