En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Asociación Administrativa de Cooperativa de SAU-I Polígono Industrial A Portela.

Expediente: DH.A36.111609.

Volume total anual: 149.000,00 m3/ano.

Destino: uso industrial.

Orixe: pozo en parcela 1183, polígono 35 do catastro de Cangas.

Lugar: A Madalena.

Parroquia: Darbo.

Concello: Cangas.

Descrición:

Preténdese construír un pozo barrena e bombear a auga a un depósito 960 m3 do que partirá unha rede de abastecemento do Polígono Industrial A Portela, situado nese lugar.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, 2, 4º, 36240 Vigo (Pontevedra).

As persoas interesadas poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións pública.

Vigo, 21 de outubro de 2025

Susana Pérez González
Xefa do Servizo Territorial da Zona Hidrográfica de Galicia Sur