De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia ás persoas titulares dos establecementos que no anexo se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma galega.

Mediante a visita da Inspección comprobouse que nos establecementos que se relacionan no anexo non se realiza nin exerce a actividade turística.

Considerando que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 46 da Lei 7/2011, do 27 de outubro, do turismo de Galicia, e no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma galega, iniciar o expediente de baixa de oficio dos establecementos relacionados no anexo.

O que se notifica ás persoas titulares dos establecementos referidos no dito anexo, para que no prazo de quince (15) días poidan efectuar as alegacións que consideren pertinentes, examinar o expediente e obter copias dos documentos contidos nel na Área Provincial da Axencia de Turismo de Galicia de Lugo.

Lugo, 7 de novembro de 2025

Paloma Vázquez Fernández
Xefa da Área Provincial de Turismo de Lugo

ANEXO

Signatura	Denominación	Titular	Enderezo	Localidade
V-LU-007739	Cayo Coco	Ediana Carolina Zambrano Quintero	Praza de España, 30	Ribadeo
V-LU-005249	Futura	Conde Beto, S.L.	Rúa Vilalba	Ribadeo
V-LU-007471	Adega Nicanor	La Ribanova, S.L.	Rúa Clemente Martínez Pasarón, 12	Ribadeo
V-LU-007646	Molino Pub	Catro Aspas, C.B.	Rúa Terra Grande, 5	Ribadeo