Unha vez realizado o acto de elección de destino definitivo previsto na Resolución do 24 de outubro de 2025 (DOG núm. 212, do 3 de novembro) ao que foi convocado o persoal funcionario que superou o proceso selectivo para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala técnica de saúde laboral, convocado pola Orde do 28 de febreiro de 2019 (DOG número 44, do 4 de marzo), esta consellería

RESOLVE:

Primeiro. Adxudicar con carácter definitivo os postos que figuran no anexo desta resolución ao persoal funcionario que superou o proceso selectivo para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala técnica de saúde laboral, de acordo coa elección realizada.

Segundo. De conformidade co disposto na Lei 2/2015, do 29 de abril, do emprego público de Galicia, e no artigo 14 do Decreto 93/1991, do 20 de marzo, modificado polo Decreto 166/2013, do 14 de novembro, polo que se aproba o Regulamento de provisión de postos de traballo, promoción profesional e promoción interna, o prazo da toma de posesión comezará a contarse a partir do día seguinte ao do cesamento e será de tres (3) días hábiles se non implica cambio de residencia, ou de sete (7) días hábiles se comporta cambio de residencia.

O cesamento deberá efectuarse o día 26 de novembro de 2025.

Se a adxudicación comporta o reingreso ao servizo activo, o prazo de toma de posesión será de vinte (20) días hábiles.

Terceiro. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo de un (1) mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous (2) meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 17 de novembro de 2025

O conselleiro de Facenda e Administración Pública
P.D. (Orde do 8.1.2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal

ANEXO

Nº orde elección	DNI	Apelidos e nome	Posto elixido	Código do posto	Denominación	Cons.	Centro directivo	Centro de destino	Concello	Subgrupo	Nivel	Formación
1	***4819**	García Díaz, María	2	EIO291000027001012	Técnico/a de Saúde Laboral	EM	Centro Territorial do ISSGA en Lugo	Servizos Periféricos - Instituto de Seguridade e Saúde Laboral de Galicia	Lugo	A2	22	394
2	***4976**	Bacaicoa Ripa, Silvia María	3	EIO291000032001011	Técnico/a de Saúde Laboral	EM	Centro Territorial do ISSGA en Ourense	Servizos Periféricos - Instituto de Seguridade e Saúde Laboral de Galicia	Ourense	A2	22	394
3	***7242**	Gulías Sanmartín, Raquel	4	EIO291010136440020	Técnico/a de Saúde Laboral	EM	Centro Territorial do ISSGA en Pontevedra	Servizos Periféricos - Instituto de Seguridade e Saúde Laboral de Galicia	Redondela	A2	22	394
4	***4235**	Neira Fernández, Laura	1	EIO291000015001017	Técnico/a de Saúde Laboral	EM	Centro Territorial do ISSGA na Coruña	Servizos Periféricos - Instituto de Seguridade e Saúde Laboral de Galicia	A Coruña	A2	22	394

Formacións específicas
Código	Descrición
394	Técnico de nivel superior de Prevención de riscos laborais nas súas tres especialidades: seguridade no traballo, hixiene industrial e ergonomía e psicosocioloxía aplicada (R.I.).