En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, e demais normas vixentes de aplicación, sométese a información pública a solicitude relacionada coas instalacións que se describen a seguir:

Solicitante: Savanna Power Solar 18, S.L. (B02992048).

Domicilio social: rúa Albert Einstein, s/n, Edificio Insur Cartuja, 3º andar, módulo 5, 41092 (Sevilla).

Denominación: Modificado do proxecto de execución planta BESS PB Navegantes, 48 de 25 MW, SE A Tapada 220/30 kV e LASAT 220 kV de enlace, Rubiá, Ourense, España.

Concello: Rubiá (Ourense).

Características principais recollidas no proxecto:

1. Planta de almacenamento de enerxía (planta BESS Battery Management Storage System), do tipo Stand-alone, coas seguintes características:

– Potencia instalada: 25 MW.

– Capacidade de almacenamento de enerxía: 80,64 MWh.

– Consta de nove bloques, de 2,78 MW de potencia c/u. Cada bloque está composto por:

a) Unha estación de potencia (Skid MT), do fabricante Sungrow MVS3460-LS, e cos seguintes elementos: transformador de potencia, de 3.460 kVAs e r/t 0,69/30 kV; celas de MT: entrada, saída e protección con interruptor automático (skid 2, skid 3, skid 5, skid 6, skid 8, skid 9) e saída e protección con interruptor automático (skid 1, skid 4, skid 7).

b) Dúas unidades de almacenamento ou contedores, do fabricante Sungrow, modelo Power Titan 2.0, con 12 racks de baterías en cada contedor, de tecnoloxía ion litio (LFP) e 417,92 kWp de enerxía nominal. A enerxía que subministrarán as baterías está configurada de maneira que produzan ata 80,64 MWh. En cada contedor tamén hai 12 unidades do sistema de conversión de potencia (PCS), con 115,74 kW de potencia e tensión nominal de 690 V.

2. Centro de seccionamento (CS), en edificio prefabricado, coas seguintes celas do tipo GIS: tres celas de entrada de liña, unha cela de saída de liña, unha cela de protección trafo SSAA (de 600 kVA e r/t 30±2x2,5%/0,420-0.242 kV), unha cela de medida e unha cela de reserva.

3. LMTS, a 30 kV, de unión entre Skids MT, en condutor RHZ1-OL 18/30 kV 1x240 mm²:

– De 11 m de lonxitude coa orixe no Skid1 e o final no Skid2.

– De 11 m de lonxitude coa orixe no Skid2 e o final no Skid3.

– De 11,60 m de lonxitude coa orixe no Skid4 e o final no Skid5.

– De 3 m de lonxitude coa orixe no Skid5 e o final no Skid6.

– De 3 m de lonxitude coa orixe no Skid7 e o final no Skid8.

– De 28 m de lonxitude coa orixe no Skid8 e o final no Skid9.

4. LMTS, a 30 kV, de interconexión entre as estacións de potencia (Skid MT) e o Centro de Seccionamento (CS), composta por tres circuítos con condutores tipo XLPE 18/30 kV 3x1x240 mm²:

– Circuíto 1: de 38,70 m de lonxitude coa orixe no Skid3 e o final no CS.

– Circuíto 2: de 21,10 m de lonxitude coa orixe no Skid6 e o final no CS.

– Circuíto 3: de 8 m de lonxitude coa orixe no Skid9 e o final no CS.

5. LMTS, a 30 kV, de 16 m de lonxitude, en condutor tipo RHZ1-OL 18/30 kV 1x400 mm², coa orixe no Centro de Seccionamento (CS) e final na subestación elevadora A Tapada.

6. Sistemas de climatización/refrixeración HVAC, sistema PCI de detección e extinción de incendios, SAI, sistemas de comunicación e control, sistemas de posta a terra, sistemas de monitorización e control, PCS e contador de enerxía.

7. Subestación elevadora (SET) A Tapada 220/30 kV coa seguinte configuración:

a) Parque a nivel de 220 kV en intemperie con aparellaxe convencional, coas seguintes posicións: unha posición de liña (saída) e unha posición de transformador.

b) Transformador de potencia de 50/60 MVAs ONAN/ONAF de instalación en exterior, illado en aceite mineral, con sistema de regulación automática en carga e r/t 220±10x1,25 %/30 kV.

c) Sistema a 30 kV. Presenta configuración de simple barra cos seguintes módulos de celas normalizadas de interior: catro posicións de liña, unha posición de transformador, unha posición de SSAA (trafo de 160 kVA e r/t 30±2,5%±6%/0,420 kV).

d) Sistema de medida, sistema de servizos auxiliares, sistema de telecomunicacións, sistema de control e proteccións, sistema de posta a terra, sistemas complementarios (iluminación, sistema de seguridade, sistema de protección contra incendios, ventilación e aire acondicionado).

8. LMT SET A Tapada-SET Colectora Promotores Quereño 1, a 220 kV, aerosubterránea, con 1.084 m en aéreo (en condutor LA380) e 521 m en subterráneo (en condutor RHZ1-RA+2OL(AS) 127/220 kV 1x630 KA), coa orixe na subestación elevadora SET A Tapada 220/30 kV e o final na SET Colectora Promotores Quereño 1 a 220 kV (obxecto doutro proxecto).

O obxecto da información pública será a autorización administrativa previa e a autorización administrativa de construción das citadas instalacións.

Documentación que se expón:

– O proxecto de execución, asinado polo enxeñeiro técnico industrial Javier Martín Anarte, colexiado número 12161 do COGITI de Sevilla, o 9.7.2025.

O que se fai público para o coñecemento xeral e, se for o caso, presentar as alegacións ou observacións que se consideren oportunas dentro do prazo de trinta (30) días, contados a partir do día seguinte ao da publicación deste acordo no Diario Oficial de Galicia.

Órgano competente para autorizar o proxecto: a Dirección Xeral de Planificación Enerxética e Minas.

Procedemento de avaliación ambiental: o proxecto da referida instalación eléctrica está suxeito a avaliación de impacto ambiental segundo o establecido no artigo 7 da Lei 21/2013, do 9 de decembro, de avaliación ambiental.

Toda a documentación estará á disposición das persoas interesadas nas dependencias da Sección de Enerxía do Departamento Territorial de Ourense da Consellería de Economía e Industria (rúa Curros Enríquez, núm. 1, 3º, 32003 Ourense), das 9.00 ás 14.00 horas, de luns a venres, así como na seguinte ligazón web da consellería:

https://economia.xunta.gal/transparencia/informacion-publica/en-tramitacion/instalacions-de-xeracion

Ourense, 12 de novembro de 2025

Alicia María López Míguez
Directora territorial de Ourense