Na Sala do Contencioso-Administrativo, sección primeira, do Tribunal Superior de Xustiza de Galicia tramítase o recurso 663/2025 (dereitos fundamentais), interposto pola Confederación Intersindical Galega fronte á Orde do 6 de novembro de 2025 pola que se determinan os servizos mínimos durante a folga do persoal de limpeza dos hospitais do Salnés e da Barbanza, que se desenvolverá os días 11, 12, 18, 19, 25 e 26 de novembro e 3, 9, 10, 16, 17, 22, 23, 29 e 30 de decembro, das 9.00 ás 11.00 horas e das 15.00 ás 17.00 horas, e de forma indefinida a xornada completa a partir do 7 de xaneiro de 2026 (DOG núm. 217, do 10 de novembro).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de cinco días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 1 de decembro de 2025

María del Mar Pousa Cobas
Directora xeral de Recursos Humanos