Por unanimidade dos membros do Pleno do Concello, na sesión extraordinaria urxente do 12 de novembro de 2025, adoptouse o seguinte acordo:

Primeiro. Aprobar inicialmente o proxecto de expropiación para a execución dunha praza pública no lugar da Igrexa, San Xurxo de Sacos, polo procedemento de taxación conxunta dos bens e dereitos incluídos no ámbito determinado no proxecto.

Segundo. Someter o proxecto de expropiación por taxación conxunta a información pública polo período dun mes, mediante un anuncio no taboleiro de anuncios do concello, no Diario Oficial de Galicia e nun xornal dos de maior circulación da provincia, para que quen poida resultar interesado formule as observacións e reclamacións que considere convenientes, en particular no que concirne á titularidade ou valoración dos seus respectivos dereitos. Ademais, estará á disposición dos interesados na sede electrónica deste concello (enderezo https://concellodecerdedocotobade.sedelectronica.gal).

Terceiro. Notificar este acordo aos propietarios e titulares de dereitos afectados, achegando coa notificación a súa respectiva folla de valoración e a proposta de fixación dos criterios de valoración, para que poidan formular alegacións no prazo dun mes, contado a partir da data de notificación.

Relación de bens afectados:

Situación: A Igrexa, parroquia San Xurxo de Sacos.

Núm. de parcela catastral: 2373.

Polígono catastral: 3.

Concello catastral: Cerdedo-Cotobade.

Referencia catastral: 36012A003023730000ZY.

Titular: herdeiros de Dolores Pintos.

Superficie que se debe expropiar: 178 m2.

Valor unitario: 3,593 €/m2.

Total: 639,72 €.

Cerdedo-Cotobade, 12 de novembro de 2025

Jorge Cubela López
Alcalde