Mediante a Resolución da Dirección Xeral de Emprego Público e Administración de Persoal do 8 de xullo de 2025 (DOG núm. 135, do 16 de xullo), convocouse o concurso ordinario para a provisión de postos de traballo vacantes de varios corpos e escalas de Administración especial da Administración xeral (análise de laboratorio, condución, cociña, mantemento, recursos naturais e forestais) e da agrupación profesional da Administración xeral da Comunidade Autónoma de Galicia e anexouse a relación dos postos que se ofertan na primeira fase.

Mediante a Resolución do 24 de novembro de 2025, acordouse a apertura do período de presentación de solicitudes de elección de postos de traballo e o procedemento da xustificación da posesión de méritos e requisitos do concurso ordinario ao mesmo tempo que se publica no portal corporativo da Dirección Xeral de Emprego Público e Administración de Persoal a relación de postos de potenciais resultas.

Por erro no funcionamento da aplicación informática, advírtese a omisión involuntaria de un posto vacante que é preciso engadir á relación de postos ofertados e que figura no anexo desta resolución.

Por outra banda, dado que xa se produciu a apertura do prazo presentación de solicitudes de elección de postos de traballo e de xustificación de méritos o pasado 3 de decembro, faise aconsellable ampliar este prazo ao abeiro do disposto no artigo 32 da Lei 39/2015, do 1 de outubro, do procedemento administrativo común das administracións públicas.

Polo exposto, no uso das competencias delegadas que ten atribuídas no artigo 1 da Orde do 8 de xaneiro de 2020 (DOG núm. 16, do 24 de xaneiro) sobre delegacións de competencias da Consellería de Facenda e Administración Pública, esta dirección xeral

RESOLVE:

Primeiro. Incluír o posto número 2893 que se relaciona no anexo I desta resolución na relación de postos vacantes que figuran no anexo I da Resolución do 8 de xullo de 2025 da Dirección Xeral de Emprego Público e Administración de Persoal (DOG núm. 135, do 16 de xullo)

Segundo. Ampliar o prazo de presentación de solicitudes de elección de postos e de xustificación da posesión de méritos e requisitos en tres días hábiles que rematará o 30 de decembro de 2025.

Santiago de Compostela, 4 de decembro de 2025

Nuria Aguilar Vázquez
Directora xeral de Emprego Público e Administración de Persoal

ANEXO

Postos que se inclúen na oferta

Posto

Código do posto

Nivel

Grupos

Corpo/escala

Adm. Púb./ Áreas Func.

Denominación posto

Consellería

Centro directivo

Centro destino

Concello

Titulacións requiridas

Formación específica

Observacións

2893

PR.C02.00.004.27001.584

18

C2

Especial (escala auxiliar de condución)

AXG

Condutor/a

PR

Secretaría Xeral Técnica

S.X. de Coordinación de Servizos Transversais (Lugo)

27001

Horario especial con especial dispoñibilidade, horario especial con especial singularidade.