O Diario Oficial de Galicia número 238, do 18 de decembro de 2023, publica a Orde do 13 de decembro de 2023 pola que se establecen as bases reguladoras do concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028, e se procede á súa convocatoria mediante tramitación anticipada de gasto.

O Diario Oficial de Galicia número 37, do 21 de febreiro de 2024, publica a Resolución do 9 de febreiro de 2024, da Dirección Xeral de Persoas con Discapacidade, pola que se publica a Resolución do 30 de xaneiro de 2024 pola que se asigna o concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028 (código de procedemento BS632D).

De conformidade co disposto na Orde do 13 de decembro de 2023, a revisión dos prezos ou dos módulos económicos efectuarase mediante resolución ditada para o efecto polo órgano competente, que deberá ser publicada no Diario Oficial de Galicia. Así, o 17 de novembro de 2025, a persoa titular da Dirección Xeral de Persoas con Discapacidade dita a resolución de revisión dos módulos económicos.

Polo exposto,

RESOLVO:

Primeiro. Ordenar a publicación no Diario Oficial de Galicia do contido íntegro da resolución pola que se revisan os módulos económicos fixados na Orde do 13 de decembro de 2023 pola que se establecen as bases reguladoras do concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028, e se procede á súa convocatoria mediante tramitación anticipada de gasto (código de procedemento BS632D), que se xunta á presente resolución como anexo.

Segundo. Comunicar que a resolución de revisión dos módulos económicos esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da súa publicación no Diario Oficial de Galicia, ou ben, interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte á dita publicación.

Santiago de Compostela, 21 de novembro de 2025

Begoña Abeijón Fernández
Directora xeral de Persoas con Discapacidade

ANEXO

Resolución pola que se revisan os módulos económicos fixados na Orde do 13 de decembro de 2023 pola que se establecen as bases reguladoras do concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028, e se procede á súa convocatoria mediante tramitación anticipada de gasto (código de procedemento BS632D)

O Diario Oficial de Galicia número 238, do 18 de decembro de 2023, publica a Orde do 13 de decembro de 2023 pola que se establecen as bases reguladoras do concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028, e se procede á súa convocatoria mediante tramitación anticipada de gasto.

O Diario Oficial de Galicia número 37, do 21 de febreiro de 2024, publica a Resolución do 9 de febreiro de 2024, da Dirección Xeral de Persoas con Discapacidade, pola que se publica a Resolución do 30 de xaneiro de 2024 pola que se asigna o concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028 (código de procedemento BS632D).

O artigo 37.1.b) do Decreto 229/2020, do 17 de decembro, polo que se desenvolve o réxime dos concertos sociais no ámbito da Comunidade Autónoma de Galicia, indica que os prezos ou módulos económicos fixados na convocatoria do concerto social poderán ser revisados cando se produza unha variación substancial nos custos do servizo respecto das condicións económicas do concerto social.

A Orde do 13 de decembro de 2023 establece que os módulos económicos serán revisables conforme as variacións económicas do Convenio colectivo xeral de centros e servizos de atención a persoas con discapacidade, coas limitacións que a normativa vixente estableza, así como cando se produza unha variación substancial nos custos que implique unha alteración substancial do equilibrio económico do concerto social.

Así mesmo, dispón que a revisión dos prezos ou dos módulos económicos se efectuará mediante resolución ditada para o efecto polo órgano competente, que deberá ser publicada no Diario Oficial de Galicia.

O 9 de abril de 2025 publicouse no Boletín Oficial del Estado a Resolución do 26 de marzo de 2025, da Dirección Xeral de Traballo, pola que se rexistra e se publica o XVI Convenio colectivo xeral de centros e servizos de atención a persoas con discapacidade.

A publicación e entrada en vigor do convenio colectivo implica unha variación dos custos dos servizos respecto das condicións económicas do concerto social que fan necesario a revisión dos módulos económicos en prol de restablecer o equilibrio económico que permita ás entidades a axeitada prestación dos servizos obxecto de concerto social.

De conformidade co artigo 37.1.b) do Decreto 229/2020, do 17 de decembro, e coa Orde do 13 de decembro de 2023 de convocatoria do concerto social,

RESOLVO:

Primeiro. Aprobar a revisión dos módulos económicos dos acordos de acción concertada formalizados ao abeiro da Orde do 13 de decembro de 2023 pola que se establecen as bases reguladoras do concerto social para a reserva e ocupación de prazas en servizos de atención diúrna e de atención residencial para persoas dependentes con parálise cerebral para o período 2024-2028, e se procede á súa convocatoria mediante tramitación anticipada de gasto.

O incremento de prezos ascende a 1.929.595,74 € e financiarase con cargo á aplicación de gastos 08.04.312D.228.2 da Comunidade Autónoma de Galicia para o exercicio 2025 e á aplicación que corresponda para os anos 2026 a 2028, coa seguinte distribución:

Orzamento 2025	Orzamento 2026	Orzamento 2027	Orzamento 2028	Total orzamento
609.375,73 €	609.359,17 €	609.359,17 €	101.501,67 €	1.929.595,74 €

A desagregación por entidade e servizo concertado figura no anexo desta resolución.

Segundo. Os novos módulos económicos son os seguintes:

Servizo	Prezo sen IVE	IVE (4 %)	Prezo total
020301 Servizo de atención diúrna terapéutica	1.624,05 €/mes	64,96 €	1.689,01 €/mes
020302 Servizo de atención diúrna terapéutica de media estadía	811,02 €/mes	32,44 €	843,46 €/mes
020306 Servizo de atención diúrna ocupacional	974,84 €/mes	38,99 €	1.013,83 €/mes
020309 Servizo de atención residencial terapéutica-Internado 365 días	3.894,69 €/mes	155,79 €	4.050,48 €/mes
020309 Servizo de atención residencial terapéutica-Respiro 130 días	189,33 €/día	7,57 €	196,90 €/día
020309 Servizo de atención residencial terapéutica-Respiro 104 días	189,33 €/día	7,57 €	196,90 €/día

Terceiro. Os efectos económicos da revisión dos módulos económicos serán desde o 1 de xaneiro de 2025 ata o 29 de febreiro de 2028.

As liquidacións sucesivas deberanse axustar aos novos módulos económicos, e as correspondentes aos períodos anteriores á revisión serán obxecto de regularización conforme a presente actualización de prezos.

Contra esta resolución, que esgota a vía administrativa, poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da súa publicación no Diario Oficial de Galicia, ou ben, interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte á dita publicación.

Santiago de Compostela, 17 de novembro de 2025. A conselleira de Política Social e Igualdade. P.D. (Artigo 14 da Orde do 13 de decembro de 2023). Begoña Abeijón Fernández, directora xeral de Persoas con Discapacidade.

ANEXO

Orzamento por entidade e servizo concertado

Expediente	Entidade	Servizo concerto	Total prazas	IVE	Orzamento 2025	Orzamento 2026	Orzamento 2027	Orzamento 2028	Total orzamento
BS632D-1/2023	Asociación Aixiña	Servizo de atención diúrna terapéutica	10	4 %	13.468,85 €	13.468,85 €	13.468,85 €	2.244,81 €	42.651,36 €
		Total	10		13.468,85 €	13.468,85 €	13.468,85 €	2.244,81 €	42.651,36 €
BS632D-2/2023	Asociación de Padres de Personas con Parálisis Cerebral (Aspace)	Servizo de atención diúrna terapéutica	46	Exento	59.573,77 €	59.573,77 €	59.573,77 €	9.928,96 €	188.650,27 €
		Servizo de atención residencial terapéutica	50		153.828,18 €	153.828,18 €	153.828,18 €	25.638,03 €	487.122,57 €
		Total	96		213.401,95 €	213.401,95 €	213.401,95 €	35.566,99 €	675.772,84 €
BS632D-3/2023	Asociación de Atención a la Parálisis Cerebral y Afines (Amencer-Aspace)	Servizo de atención diúrna terapéutica	42	Exento	55.415,32 €	54.393,44 €	54.393,44 €	9.065,57 €	173.267,77 €
		Servizo de atención diúrna terapéutica de media estadía	2		268,78 €	1.274,10 €	1.274,10 €	212,35 €	3.029,33 €
		Total	44		55.684,10 €	55.667,54 €	55.667,54 €	9.277,92 €	176.297,10 €
BS632D-4/2023	Asociación de Familiares de Persoas con Parálise Cerebral (Apamp)	Servizo de atención diúrna terapéutica	41	Exento	53.098,36 €	53.098,36 €	53.098,36 €	8.849,73 €	168.144,81 €
		Servizo de atención diúrna ocupacional	9		7.031,97 €	7.031,97 €	7.031,97 €	1.171,99 €	22.267,90 €
		Servizo de atención residencial terapéutica	46		141.521,92 €	141.521,92 €	141.521,92 €	23.586,99 €	448.152,75 €
		Servizo de atención residencial terapéutica-Respiro 130 días	2		3.241,45 €	3.241,45 €	3.241,45 €	498,68 €	10.223,03 €
		Total	98		204.893,70 €	204.893,70 €	204.893,70 €	34.107,39 €	648.788,49 €
BS632D-5/2023	Cruz Roja Española	Servizo de atención diúrna terapéutica	10	Exento	12.950,82 €	12.950,82 €	12.950,82 €	2.158,47 €	41.010,93 €
		Servizo de atención residencial terapéutica	35		107.679,73 €	107.679,73 €	107.679,73 €	17.946,62 €	340.985,81 €
		Servizo de atención residencial terapéutica-Respiro 104 días	1		1.296,58 €	1.296,58 €	1.296,58 €	199,47 €	4.089,21 €
		Total	46		121.927,13 €	121.927,13 €	121.927,13 €	20.304,56 €	386.085,95 €
Total orzamento convocatoria BS632D			294		609.375,73 €	609.359,17 €	609.359,17 €	101.501,67 €	1.929.595,74 €