Mediante a Resolución da Dirección da Axencia Galega de Infraestruturas do 26 de novembro de 2025 aprobouse provisionalmente o proxecto referido, que se tramitará segundo o disposto na Lei 8/2013, do 28 de xuño, de estradas de Galicia, e no Decreto 66/2016, do 26 de maio, polo que se aproba o Regulamento xeral de estradas de Galicia.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de trazado da senda na vía de servizo anexa á PO-548 Valga, de clave PO/24/074.06, no concello de Valga (Pontevedra), para que as persoas que o consideren oportuno poidan formular, mediante escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, de ser o caso, de acordo co disposto no artigo 21.1 da Lei 8/2013 e no artigo 50 do Decreto 66/2016.

Segundo. Someter ao tramite de información pública a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito a rectificación dos posibles erros da relación publicada ou opoñerse á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos aos da relación para o fin que se persegue, de acordo co disposto nos artigos 17, 18 e 19 da Lei do 16 de decembro de 1954 sobre expropiación forzosa.

Terceiro. O prazo para presentar alegacións será de trinta (30) días hábiles contados desde o seguinte ao da publicación deste anuncio no Diario Oficial de Galicia.

A documentación do proxecto estará á disposición da cidadanía na sede central da Axencia Galega de Infraestruturas, no Servizo de Infraestruturas de Pontevedra, na Casa do Concello de Valga e na páxina web da Consellería de Vivenda e Planificación de Infraestruturas, onde tamén se atopa un extracto do documento cos obxectivos, localización e descrición da actuación:

https://vivendaeinfraestruturas.xunta.gal/informacion-publica/estudos

Santiago de Compostela, 26 de novembro de 2025

María Deza Martínez
Directora da Axencia Galega de Infraestruturas

ANEXO

Relación de bens, dereitos e propietarios afectados

Senda na vía de servizo anexa á PO-548 Valga

Clave PO/24/074.06

Concello de Valga.

Nº	Referencia catastral	Políg.	Parc.	Titular	NIF	Sit. básica do solo (RDL 7/2015)	Expropiación m²	Bens afectados
								Cant.	Ud.	Descrición
1	36056A04300382	43	382	José Ramón Castaño Otero (hrdos.)	***3822**	Rural	261,68	50	ml	Peche de malla e postes
2	36056A04300371	43	371	Josefa Eiras Barreiro	***6528**	Rural	39,17	50	m2	Parra
3	36056A04300370	43	370	Adelina Eiras Gil (hrdos.)	***7870**	Rural	59,42	2	ud.	Arboredo mixto
4	36056A04300369	43	369	María Amparo Sánchez Eiras	***3330**	Rural	53,31	2	ud.	Arboredo mixto
				Manuel García Bello (hrdos.)	***1992**
5	36056A04300683	43	683	José Luis Eiras Eiras	***5433**	Rural	56,24	2	ud.	Arboredo mixto
6	36056A04300367	43	367	Francisco Mosquera Otero (hrdos.)	***9913**	Rural	54,27	2	ud.	Arboredo mixto
7	36056A04300366	43	366	María Amparo Sánchez Eiras	***3330**	Rural	52,54	2	ud.	Arboredo mixto
				Manuel García Bello (hrdos.)	***1992**
8	36056A04300365	43	365	María Amparo Sánchez Eiras	***3330**	Rural	45,05
				Manuel García Bello (hrdos.)	***1992**
9	36056A04300364	43	364	En investigación	-	Rural	39,66
10	36056A04300363	43	363	José Manuel Muñiz Castroagudín	***3819**	Rural	15,28