A Dirección de Galaria, de conformidade co establecido no artigo 13, epígrafe f, do Convenio colectivo para o persoal do sector sanitario de Galicia xestionado por fundacións públicas sanitarias ou empresas públicas, e en virtude das atribucións que en materia de selección e contratación de persoal lle son conferidas polos estatutos da entidade,

Resolve:

Acordar a publicación do anuncio da convocatoria do proceso selectivo para a cobertura, mediante contratación laboral fixa, dunha praza de director/a técnico/a (categoría: facultativo/a especialista xefe/a servizo, grupo 1, código G-1-32) do Centro de Fabricación de Inmunoterapias Celulares Avanzadas da Unidade de Produción de Fármacos, situado en Santiago de Compostela.

As persoas interesadas terán á súa disposición toda a documentación relativa ao proceso en www.sergas.es (Recursos Humanos/Emprego público/Outros procesos selectivos/Galaria).

O prazo de presentación de solicitudes será de quince días naturais, contados desde o día seguinte ao da publicación desta convocatoria no Diario Oficial de Galicia.

Santiago de Compostela, 19 de decembro de 2025

Rocío Mosquera Álvarez
Directora xerente de Galaria, Empresa Pública de Servizos Sanitarios, S.A.