A Dirección do Centro Universitario da Defensa na Escola Naval Militar (en diante, CUD-ENM), no uso das súas competencias e de acordo co Real decreto 651/2025, do 15 de xullo, polo que se aproba a oferta de emprego público correspondente ao exercicio 2025, resolve convocar concurso público, polo procedemento de urxencia, para cubrir as necesidades docentes existentes mediante a contratación en réxime laboral de persoal docente, para as seguintes categorías:

Categoría do profesorado	Número de prazas
Profesorado permanente laboral	3

Este concurso rexerase polo disposto na Lei orgánica 2/2023, do 22 de marzo, do sistema universitario (LOSU), así como polo Real decreto 898/1985, do 30 de abril, sobre réxime do profesorado universitario, a Lei 39/2015, do 1 de outubro, do procedemento administrativo común das administracións públicas (en diante, Lei 39/2015), a Lei 40/2015, do 1 de outubro, de réxime xurídico do sector público (en diante, Lei 40/2015), e pola normativa reguladora do procedemento para a provisión de prazas de persoal docente e investigador do CUD-ENM, aprobada na reunión do Padroado do 8 de marzo de 2010.

A información completa (bases da convocatoria, modelo de solicitude, etc.) pode consultarse no taboleiro de anuncios do Centro Universitario da Defensa na Escola Naval Militar (praza de España, s/n, 36920, Marín, Pontevedra), así como na páxina web do CUD-ENM (https://cud.uvigo.es–Persoal–Concursos–Concursos de profesorado–Concursos de profesorado laboral fixo).

O prazo de presentación de solicitudes é de vinte días hábiles, contados a partir do día seguinte ao da publicación deste anuncio no Diario Oficial de Galicia, e deberán dirixirse ao director do CUD-ENM no modelo oficial, obrigatoriamente acompañadas dos documentos acreditativos previstos na convocatoria.

Marín, 23 de decembro de 2025

José Martín Davila
Director do Centro Universitario da Defensa-Escola Naval Militar de Marín