Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións financiadas por estes, anexo IX do Regulamento (UE) núm. 2021/1060 do Parlamento Europeo e do Consello, do 24 de xuño de 2021, polo que se establecen as disposicións comúns relativas ao Fondo Europeo de Desenvolvemento Rexional, ao Fondo Social Europeo Plus, ao Fondo de Cohesión, ao Fondo de Transición Xusta e ao Fondo Europeo Marítimo, de Pesca e de Acuicultura, así como as normas financeiras para os ditos fondos e para o Fondo de Asilo, Migración e Integración, o Fondo de Seguridade Interior e o Instrumento de apoio financeiro á xestión de fronteiras e a política de visados, dáse publicidade á actuación contratada, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, que a continuación se indica:

1. Poder adxudicador:

1.1. Nome: Augas de Galicia, entidade pública empresarial adscrita á Consellería de Medio Ambiente e Cambio Climático da Xunta de Galicia.

1.2. Número de identificación fiscal: Q1500378C.

1.3. Enderezo: praza Camilo Díaz Baliño, 7-9, código postal 15781.

1.4. Localidade: Santiago de Compostela (A Coruña).

1.5. Código NUTS: ES111.

1.6. Correo electrónico: contratacion.epaugasdegalicia@xunta.gal

1.7. Fax: 981 95 74 03.

1.8. Teléfono: 981 95 74 01.

1.9. Enderezo da internet: http://augasdegalicia.xunta.gal

1.10. Perfil de contratante:

http://www.contratosdegalicia.gal/consultaOrganismo.jsp?N=216

Tamén se terá acceso ao perfil de contratante dende a Plataforma de contratos públicos de Galicia https://www.contratosdegalicia.gal, accesible, así mesmo, no portal web institucional da Xunta de Galicia https://www.xunta.gal e na sede electrónica da Xunta de Galicia https://sede.xunta.gal, no Portal de transparencia de Galicia https://transparencia.xunta.gal, na Plataforma de contratación do sector público https://contrataciondelestado.es por medio de ligazóns de interese ás plataformas de contratación das comunidades autónomas, e na páxina web https://augasdegalicia.xunta.gal

2. Tipo de poder adxudicador e principal actividade exercida:

2.1. Tipo de poder adxudicador: entidade pública do sector público autonómico de Galicia.

2.2. Actividade principal exercida: infraestruturas e servizos hidráulicos.

3. Códigos CPV: 71311000-1 (servizos de consultoría en enxeñaría civil).

4. Código NUTS do lugar principal do servizo: ES11 Galicia (demarcación hidrográfica de Galicia-Costa).

5. Descrición do obxecto da licitación: servizo para a implantación dunha rede básica de control da calidade das augas en continuo na demarcación hidrográfica de Galicia Costa. Plan de recuperación, transformación e resiliencia, financiado pola Unión Europea-NextGenerationEU (referencia de expediente AUG-2025-0049).

O obxecto deste contrato consiste no deseño, instalación e posta en funcionamento dunha rede básica de control da calidade das augas na demarcación hidrográfica de Galicia Costa, que permitirá realizar medicións en continuo de parámetros clave, xerar sistemas de alerta ante valores anómalos e analizar a evolución temporal dos datos para mellorar o coñecemento sobre a calidade das augas e a súa relación con factores como o cambio climático e os usos do solo. Asemade, inclúe a actualización de estacións de medición existentes, a instalación de perfiladores radar para a medición de velocidade superficial en ríos e canais e o desenvolvemento dunha aplicación para integrar e analizar a información recollida, optimizando a xestión dos recursos hídricos e mellorando a resposta ante posibles riscos ambientais.

O contrato incluirá a execución dos seguintes traballos descritos máis concretamente no prego de prescricións técnicas:

O deseño, instalación e posta en funcionamento dunha rede básica de control da calidade das augas na demarcación hidrográfica de Galicia Costa. Esta rede permitirá realizar medicións en continuo de parámetros fundamentais da calidade da auga, tales como pH, condutividade, turbidez, osíxeno disolto e temperatura. A infraestrutura estará equipada cun sistema avanzado de sondas multiparamétricas con capacidades de autolimpeza e resistencia a condicións ambientais extremas, garantindo a fiabilidade e a continuidade das medicións.

Ademais de proporcionar datos en tempo real, a rede actuará como un sistema de alerta temperá, detectando valores anómalos nos parámetros monitorizados e permitindo unha resposta inmediata ante posibles situacións de risco, como episodios de contaminación ou deterioración do estado ambiental das masas de auga. A análise dos datos recollidos permitirá estudar a evolución temporal destes parámetros, identificar patróns relevantes e establecer relacións co cambio climático, as precipitacións e os usos do solo, contribuíndo ao cumprimento dos obxectivos ambientais da Directiva marco da auga.

Tamén se levarán a cabo actuacións complementarias para reforzar e modernizar a infraestrutura existente. Isto inclúe a actualización de 23 estacións de medición mediante a substitución dos seus dataloggers, que se adaptarán á tecnoloxía empregada na nova rede, así como a instalación de 3 perfiladores radar para a medición sen contacto da velocidade superficial da auga, especialmente en condicións de enchentes e fluxos elevados. Estes dispositivos permitirán unha monitorización precisa e fiable das dinámicas hidráulicas en puntos estratéxicos de ríos e canais.

Adicionalmente, desenvolverase unha aplicación informática específica para a integración e análise dos datos recollidos pola rede. Esta ferramenta permitirá a súa interoperabilidade cos sistemas de xestión de Augas de Galicia, facilitando a visualización centralizada dos datos, a xestión de alertas e a xeración de informes detallados. A aplicación tamén incluirá módulos de análise avanzada que permitirán identificar tendencias, simular escenarios futuros e mellorar a planificación hídrica.

No marco do contrato garantirase que todas as accións realizadas cumpran cos requisitos de sustentabilidade e eficiencia enerxética, minimizando o impacto ambiental e asegurando a correcta integración da infraestrutura coa paisaxe natural. O servizo supón unha acción clave para reforzar a capacidade de Augas de Galicia na xestión sustentable e eficiente dos recursos hídricos, contribuíndo á protección e mellora do estado ambiental das masas de auga na demarcación hidrográfica de Galicia Costa.

6. Tipo de procedemento de adxudicación: aberto, suxeito a regulación harmonizada e polo trámite ordinario.

7. Orzamento base de licitación: importe neto: 2.273.852,00 euros. Importe total: 2.751.360,92 euros.

8. Valor estimado do contrato: 2.273.852,00 euros; coincide co orzamento base de licitación sen IVE.

9. Prazo de execución do contrato: 8 meses.

10. Criterios de adxudicación:

10.1. Adxudicación do contrato: acordouse tomando como base de valoración os criterios de adxudicación obxectivos establecidos no prego de cláusulas administrativas particulares e en aplicación destes seleccionouse a mellor oferta por obter a maior puntuación total como resultado da valoración global das proposicións admitidas.

10.2. Criterios de adxudicación (en orde decrecente por puntuación e ponderación): memoria descritiva da metodoloxía proposta para a realización dos traballos (47), proposición económica (41), medidas para o impulso demográfico (10) e mellora técnica vinculada á execución do servizo (2).

11. Data da adxudicación do contrato: 31 de outubro de 2025.

12. Número de ofertas recibidas:

12.1. Ofertas totais: 8.

12.2. Ofertas de pequenas ou medianas empresas: 4.

12.3. Ofertas doutros Estados membros da Unión Europea ou de terceiros países: ningunha.

12.4. Ofertas por vía electrónica: si.

13. Data de formalización ou celebración do contrato: 24 de novembro de 2025.

14. Empresa contratista:

14.1. Nome da empresa ou, de ser o caso, UTE: Técnica y Proyectos, S.A.

14.2. NIF: A28171288.

14.3. Enderezo: Anxo Senra Fernández, 25, 1º, local 3. 15670 Culleredo (A Coruña).

14.4. Código NUTS: ES111.

14.5. Correo electrónico: plfuentes@typsa.es

14.6. Fax: 981 16 03 42.

14.7. Teléfono: 981 16 03 42.

14.8. Pequena ou mediana empresa: non.

15. Valor da oferta seleccionada: importe neto: 1.955.512,72 euros. Importe total: 2.366.170,39 euros.

16. Información sobre se o contrato está relacionado cun proxecto ou programa financiado con fondos da Unión Europea:

Actuación no marco do Plan de recuperación, transformación e resiliencia, financiado pola Unión Europea-NextGenerationEU, cos fondos procedentes do Mecanismo de recuperación e resiliencia (MRR) dentro do marco do dito plan na política panca II: infraestruturas e ecosistemas resilientes; compoñente 5; preservación do litoral e recursos hídricos; medida: investimento 3 (C5.I3): transición dixital no sector da auga (vixilancia e control do contorno dixital); fito CID 426: posta en funcionamento de ferramentas para mellorar o coñecemento e o uso dos recursos hídricos, e para rexistrar as precipitacións e outros datos meteorolóxicos; proxecto 01 (C05.I03.P01): mellora do coñecemento e o uso dos recursos hídricos; subproxecto 13 (C05.I03.P01.S13): PERTE de dixitalización do ciclo da auga na Comunidade Autónoma de Galicia.

O Mecanismo de recuperación e resiliencia (MRR) é o elemento central de NextGenerationEU, do que forma parte, cuxo obxectivo é mitigar o impacto económico e social da pandemia do coronavirus e facer que as economías e sociedades europeas sexan máis sustentables e resilientes e estean mellor preparadas para os retos e as oportunidades das transicións ecolóxica e dixital. Os seus fondos canalízanse a través do Plan de recuperación, transformación e resiliencia.

O Instrumento europeo de recuperación, tamén denominado NextGenerationEU, é un instrumento financeiro temporal de recuperación concibido para impulsar a recuperación que contribuirá a reparar os danos económicos e sociais inmediatos causados pola pandemia do coronavirus. A Europa posterior á Covid-19 será unha Europa máis ecolóxica, máis dixital, máis resiliente e mellor adaptada aos retos actuais e futuros.

17. Servizo do que se pode obter información sobre o contrato formalizado.

17.1. Nome: Contratación de Augas de Galicia.

17.2. Enderezo: praza Camilo Díaz Baliño, 7-9.

17.3. Localidade: Santiago de Compostela (A Coruña).

17.4. Código postal: 15781.

17.5. Correo electrónico: contratacion.epaugasdegalicia@xunta.gal

17.6. Fax: 981 95 74 03.

17.7. Teléfonos: 981 95 74 01.

Datos e referencias de publicacións anteriores no Diario Oficial de la Unión Europea relevantes para o contrato: Diario Oficial de la Unión Europea (S64/01.04.2025 e modificada no S85/02.05.2025).

19. Información acerca do Acordo sobre contratación pública: contrato cuberto polo Acordo sobre contratación pública.

20. Outras informacións:

Data de envío do anuncio de licitación ao Diario Oficial de la Unión Europea: 31 de marzo de 2025.

Publicidade do anuncio de licitación no Diario Oficial de la Unión Europea: 1 de abril de 2025.

Publicidade do anuncio de licitación no perfil de contratante: 2 de abril de 2025.

Publicidade da adxudicación no perfil de contratante: 5 de novembro de 2025.

Publicidade do contrato formalizado co contratista no perfil de contratante: 26 de novembro de 2025.

Publicidade do anuncio de formalización do contrato no Diario Oficial de la Unión Europea: 28 de novembro de 2025.

Santiago de Compostela, 17 de decembro de 2025

A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Roi Fernández Añón
Director de Augas de Galicia