De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, a través deste anuncio notifícanselles ás persoas interesadas e que figuran no anexo as resolucións que se ditaron nos expedientes administrativos instruídos de conformidade co disposto no artigo 172 e seguintes do Código civil.

Os expedientes constan no Servizo de Familia, Infancia e Dinamización Demográfica, Departamento Territorial da Coruña da Consellería de Política Social e Igualdade, en Gregorio Hernández, 2, 1º andar, onde as ditas persoas interesadas, ou as persoas que as representen debidamente acreditadas, poderán comparecer para o coñecemento íntegro do acto e do resto do expediente, de luns a venres, das 9.00 ás 14.00 horas, no prazo de dez (10) días hábiles contados a partir do día seguinte ao da publicación deste anuncio no Boletín Oficial del Estado. Transcorrido o dito prazo sen efectuar a comparecencia, a notificación entenderase producida no momento do vencemento do dito prazo establecido para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Contra as ditas resolucións, as persoas interesadas ou as persoas que as representen, debidamente acreditadas, poderán interpoñer recurso no Xulgado de Primeira Instancia da Coruña que por quenda corresponda, no prazo de dous meses contados a partir do día seguinte ao da notificación da resolución, efectuada por comparecencia, de conformidade co disposto no artigo 780 da Lei 1/2000, do 7 de xaneiro, de axuizamento civil, e/ou no prazo de dous anos, en caso de oposición á dita resolución administrativa, contados desde o día seguinte ao da súa notificación, efectuada por comparecencia, de conformidade co disposto no artigo 172.2 do Código civil.

A Coruña, 29 de decembro de 2025

María Blanco Aller
Directora territorial da Coruña

ANEXO

Nº de expediente	DNI	Data da resolución	Efectos da resolución
2024/345/15	77374718G	10.3.2025	Establecemento de medida administrativa
2024/344/15	77374718G	10.3.2025	Establecemento de medida administrativa
2024/343/15	77374718G	10.3.2025	Establecemento de medida administrativa
2025/89/15	46289451L	29.9.2025	Establecemento de medida administrativa
2025/108/15	45905105A, 45862280G	30.6.2025	Establecemento de medida administrativa
2024/259/15	32736913R	11.6.2025	Establecemento de medida administrativa