BDNS (Identif.): 882306.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:
https://www.infosubvenciones.es/bdnstrans/GE/es/convocatoria/882306
Primeiro. Entidades beneficiarias
1. Poderán ser beneficiarias das axudas reguladas nesta orde as entidades promotoras de empresas de inserción e as empresas de inserción inscritas como tales no Rexistro Administrativo das Empresas de Inserción de Galicia de acordo co disposto no Decreto 178/2022, do 15 de setembro, polo que se regula o procedemento para a cualificación das empresas de inserción de Galicia e o seu rexistro administrativo, sempre que cumpran as condicións e os requisitos establecidos para este tipo de axudas.
2. Neste sentido, será válida a cualificación provisional. Con todo, se no momento da xustificación e/ou o pagamento, a cualificación provisional quedase sen efecto e a entidade non obtivese a cualificación definitiva, procederá a revogación das subvencións concedidas, así como o reintegro total das cantidades percibidas e a exixencia do interese de demora correspondente desde o momento do pagamento da subvención ata a data en que se acorde a procedencia do reintegro.
Segundo. Obxecto
Esta orde ten por obxecto establecer as bases reguladoras das axudas ás empresas de inserción e ás súas entidades promotoras, e proceder á súa convocatoria para o ano 2026, coa finalidade de promover a inserción sociolaboral das persoas en situación ou en risco de exclusión social, mediante o establecemento de medidas de fomento das empresas de inserción que teñan centros de traballo na Comunidade Autónoma de Galicia, a través dos seguintes programas:
Programa I: axudas ao mantemento do custo salarial das persoas traballadoras en risco ou en situación de exclusión social (código de procedemento TR356A).
Programa II: axudas para compensar os custos adicionais do emprego de persoas en risco ou situación de exclusión social (código de procedemento TR356C).
Terceiro. Importe
O orzamento total das subvencións previstas nesta orde ascende a 1.500.000 €, que se financiarán con cargo ao código de proxecto 2015 00561, distribuído nas seguintes aplicacións orzamentarias:
|
Programa de axudas |
Aplicación orzamentaria |
Orzamento |
|
Programa I (procedemento TR356A) |
14.04.324C.470.5 |
1.355.000 € |
|
Programa II (procedemento TR356C) |
14.04.324C.470.5 |
105.000 € |
|
14.04.324.481.5 |
40.000 € |
|
|
Total |
1.500.000 € |
|
Cuarto. Bases reguladoras
Extracto da Orde do 29 de decembro de 2025 pola que se establecen as bases reguladoras do Programa de incentivos ás empresas de inserción (EI) e ás súas entidades promotoras, e se procede á súa convocatoria para o ano 2026 (código de procedemento TR356A e TR356C).
Quinto. Prazo de presentación de solicitudes
O prazo de presentación de solicitudes comezará o oitavo día hábil seguinte ao da publicación desta orde no Diario Oficial de Galicia ás 9.00 horas, ata o 30 de setembro de 2026, ás 20.00 horas.
Sexto. Procedemento de concesión e período subvencionable
O procedemento de concesión das subvencións realizarase en réxime de concorrencia non competitiva.
O período subvencionable comprenderá desde o 1 de outubro de 2025, ata o 30 de setembro de 2026.
Santiago de Compostela, 29 de decembro de 2025
José González Vázquez
Conselleiro de Emprego, Comercio e Emigración