Nesta Administración recibiuse oficio da Sección Segunda da Sala do Contencioso-Administrativo do Tribunal Superior de Xustiza de Galicia, en relación co recurso contencioso-administrativo número PO 4340/2025, interposto por J. Lago Costas, M.A. Lago Costas e C.A. Lago Costas contra o Acordo do Pleno do Concello de Vigo, do 26 de maio de 2025, de aprobación definitiva do Plan xeral de ordenación municipal de Vigo aprobado en revisión do Plan xeral de ordenación urbana de 1993, no cal se solicita a remisión do expediente administrativo e o emprazamento das persoas interesadas no expediente correspondente.

Para os efectos de cubrir o solicitado no dito oficio, a Xerencia Municipal de Urbanismo do Concello de Vigo acordou remitir o expediente ao Tribunal Superior de Xustiza de Galicia.

O que se notifica para xeral coñecemento de todas as persoas interesadas nos procedementos, emprazándoas para que poidan comparecer e presentarse como demandadas nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Vigo, 3 de decembro de 2025

O presidente da Xerencia Municipal de Urbanismo de Vigo
P.D. (Resolución do 4.7.2023)
María José Caride Estévez
Concelleira delegada da Área de Goberno de Urbanismo e Vivenda