De conformidade coas propostas elevadas polas comisións de selección nomeadas para xulgar os concursos de acceso convocados mediante as resolucións do 30 de setembro de 2025 (BOE do 27 de outubro), e acreditados polas persoas interesadas os requisitos exixidos pola lexislación vixente para seren nomeadas funcionarios/as para a provisión de prazas dos corpos docentes universitarios.

Este reitorado, no uso das atribucións que lle confire o artígo 50 da Lei orgánica 2/2023, do 22 de marzo, do sistema universitario, e demais disposicións que a desenvolven, resolveu efectuar os nomeamentos que se relacionan no anexo.

Estes nomeamentos producirán plenos efectos a partir da correspondente toma de posesión polas persoas interesadas, que se deberá efectuar no prazo máximo de vinte (20) días hábiles, contados desde o seguinte ao da publicación desta resolución no Boletín Oficial del Estado.

Contra esta resolución, que esgota a vía administrativa, poderán interpoñer un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderán interpoñer un recurso de reposición, ante este reitorado, no prazo dun mes, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 23 de xaneiro de 2026

O reitor da Universidade da Coruña
P.D. (Resolución do 10.7.2024)
María Teresa López Fernández
Vicerreitora de Profesorado

ANEXO

Nome e apelidos	Corpo docente	Área de coñecemento	Departamento	Nº praza
Javier Pereira Loureiro	Catedrático de universidade	Radioloxía e Medicina Física	Fisioterapia, Medicina e Ciencias Biomédicas	25/037
Miguel Brozos Vázquez	Catedrático de universidade	Matemática Aplicada	Matemática	25/039