De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, na Orde do 22 de abril de 2020 (DOG núm. 82, do 29 de abril) de delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do sistema público de saúde de Galicia, esta xerencia

DISPÓN:

Anunciar a convocatoria para cubrir, polo sistema de concurso de méritos, varios postos vacantes de supervisor/a de unidade de enfermaría que se relacionan no Anexo desta resolución.

As bases íntegras da citada convocatoria estarán expostas nos taboleiros de anuncios da Área Sanitaria de Ourense, Verín e O Barco de Valdeorras e na páxina web do Sergas (www.sergas.es).

As solicitudes deberán presentarse nas unidades de rexistro, dos centros integrantes da Xerencia da Área Sanitaria de Ourense, Verín e O Barco de Valdeorras, no prazo de 15 días hábiles, contados desde o seguinte á data da publicación do anuncio da presente convocatoria, no Diario Oficial de Galicia.

Así mesmo, poderán presentarse a través de calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Ourense, 2 de febreiro de 2026

José Santiago Camba Bouzas
Xerente da Área Sanitaria de Ourense,
Verín e O Barco de Valdeorras

ANEXO

Denominación do posto: supervisor/a de unidade de Consultas Externas do Hospital Universitario de Ourense.

Número de vacantes: 1.

Denominación do posto: supervisor/a de unidade de Hospitalización HX1D do Hospital Universitario de Ourense.

Número de vacantes: 1.

Denominación do posto: supervisor/a de unidade de Hospitalización HX6D do Hospital Universitario de Ourense.

Número de vacantes: 1.

Denominación do posto: supervisor/a de unidade de Hospitalización HX7I do Hospital Universitario de Ourense.

Número de vacantes: 1.

Denominación do posto: supervisor/a de unidade de Hospitalización de Saúde Mental do Hospital Universitario de Ourense.

Número de vacantes: 1.

Denominación do posto: supervisor/a de unidade de Reanimación e Recuperación post-anestésica do Hospital Universitario de Ourense.

Número de vacantes: 1.

Denominación do posto: supervisor/a de unidade de Medicina preventiva e Saúde laboral Hospital Universitario de Ourense.

Número de vacantes: 1.

Denominación do posto: supervisor/a de unidade de Garda do Hospital Universitario de Ourense.

Número de vacantes: 1.

Denominación do posto: supervisor/a de unidade de Urxencias do Hospital Universitario de Ourense.

Número de vacantes: 1.

Denominación do posto: supervisor/a de unidade de Urxencias e Consultas de xinecoloxía e pediatría do Hospital Universitario de Ourense.

Número de vacantes: 1.