Antecedentes:

1. O día 30 de decembro de 2025, Iria Piñeiro Fernández solicitou autorización para a transmisión mortis causa, mediante pacto de mellora, das concesións administrativas das bateas Paula e Carmelo II.

2. A persoa interesada achegou a documentación requirida para a súa tramitación.

3. O día 19 de xaneiro de 2026, a persoa titular do Departamento Territorial de Vigo da Consellería do Mar acordou, de oficio, a acumulación dos expedientes mencionados.

Consideracións legais e técnicas:

1. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).

2. A Lei 2/2006, do 14 de xuño, de dereito civil de Galicia (DOG núm. 124, do 29 de xuño), no seu artigo 209 e seguintes regula os pactos sucesorios como negocios mortis causa, e con forma de pactos de apartación ou de mellora.

3. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia (DOG núm. 126, do 2 de xullo).

De acordo con todo o indicado,

RESOLVO:

Autorizar a transmisión mortis causa, mediante pacto de mellora, das concesións administrativas dos seguintes viveiros:

Tipo: batea.

Nome: Paula.

Situación:

Cuadrícula nº: 21.

Polígono: B.

Distrito: O Grove (Pontevedra).

Especies autorizadas: ostra plana (Ostrea edulis), vieira (Pecten maximus), zamburiña (Chlamys varia) e ostra rizada (Magallana gigas).

Título habilitante: concesión de actividade.

Orde de outorgamento: 9.2.1981.

Remate da vixencia: 15.12.2029.

Actuais titulares: Jacinto Piñeiro Míguez (***3001**) e Celsa Fernández Leiro (***9441**).

Nova titular: Iria Piñeiro Fernández (***1234**).

Tipo: batea.

Nome: Carmelo II.

Situación:

Cuadrícula nº: 156.

Polígono: D.

Distrito: Cambados (Pontevedra).

Especies autorizadas: ostra plana (Ostrea edulis), vieira (Pecten maximus) e ostra rizada (Magallana gigas).

Título habilitante: concesión de actividade.

Orde de outorgamento: 14.2.1973.

Remate da vixencia: 15.12.2029.

Actuais titulares: Jacinto Piñeiro Míguez (***3001**) e Celsa Fernández Leiro (***9441**).

Nova titular: Iria Piñeiro Fernández (***1234**).

A nova titular das concesións subrógase nos dereitos e nas obrigas dos anteriores desde o momento da publicación desta resolución no Diario Oficial de Galicia.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e no artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).

Vigo, 19 de xaneiro de 2026

A conselleira do Mar
P.D. (Orde do 21.2.2022)
María Elena Suárez Sarmiento
Directora territorial de Vigo