Mediante a Resolución do 27 de xaneiro de 2026, da Secretaría Xeral Técnica da Consellería do Medio Rural, publicáronse as persoas aspirantes que deberán realizar as probas físicas das integrantes das listas reguladas polo Decreto 37/2006, do 2 de marzo, correspondentes a determinadas escalas e especialidades do Servizo de Prevención contra Incendios Forestais. O punto terceiro da dita resolución establece que as persoas aspirantes que vaian realizar a proba Field Test deben remitir un certificado medico oficial ou informe de saúde, asinado por un colexiado en exercicio, en que se faga constar que non presentan ningunha enfermidade ou discapacidade que impida o correcto desenvolvemento dunha proba de esforzo físico.
De acordo cos certificados médicos achegados e á vista das alegacións presentadas en prazo, e co fin de elaborar a lista definitiva para a cobertura dos postos de persoal laboral do SPIF, esta Secretaría Xeral Técnica
RESOLVE:
Primeiro. Convocar as persoas aspirantes que achegaron o certificado médico para a realización da proba física Field Test, que teñen número de orde para ser chamadas para algunha das seguintes especialidades das listas elaboradas polo Decreto 37/2006, do 2 de marzo:
|
Grupo |
Categoría ou corpo/escala |
Denominación |
|
I |
38 |
Técnico/a superior de defensa contra incendios forestais |
|
II |
39 |
Técnico/a forestal de defensa contra incendios forestais |
|
III |
100 |
Bombeiro/a forestal xefe/a de brigada |
|
IV |
33 |
Bombeiro/a forestal condutor/a de motobomba |
|
V |
14 |
Bombeiro/a forestal |
|
V |
14A |
Bombeiro/a forestal condutor |
|
C1 |
209U |
Escala técnica do Servizo de Prevención e Defensa contra Incendios Forestais. Especialidade de Bombeiro forestal xefe de brigada. |
|
C2 |
207T |
Escala auxiliar do Servizo de Prevención e Defensa contra Incendios Forestais. Especialidade de Bombeiro forestal-condutor de motobomba. |
|
C2 |
207U |
Escala auxiliar do Servizo de Prevención e Defensa contra Incendios Forestais. Especialidade de Bombeiro forestal. |
Segundo. A proba física Field Test realizarase os días 24, 25, 26 e 27 de febreiro de 2026, no estadio municipal Vero Boquete, sito na avenida de Fernando de Casas Novoa, 20, San Lázaro, 15703 Santiago de Compostela (A Coruña).
Terceiro. A relación definitiva de aspirantes convocados á realización da proba física e o día e hora en que deberán presentarse relaciónanse na seguinte ligazón: https://ovmediorural.xunta.gal/gl/areas-tematicas/prevencion-incendios
Cuarto. A proba física Field Test consistirá en camiñar 3.200 metros sobre terreo plano cun peso de 11 kg ás costas, nun tempo máximo de 30 minutos.
Quinto. Os aspirantes acudirán á realización da proba provistos do DNI.
Santiago de Compostela, 10 de febreiro de 2026
Marta Forés Lojo
Secretaria xeral técnica da Consellería do Medio Rural