Mediante a Resolución do 8 de xaneiro de 2026 (DOG núm. 11, do 19 de xaneiro) convocouse para a súa provisión, polo sistema de avaliación colexiada, un posto vacante de xefe/a do Servizo de Pneumoloxía da Área Sanitaria de Ourense, Verín e O Barco de Valdeorras.

De acordo coa base sexta da convocatoria, abriuse un prazo de quince (15) días hábiles, comprendido entre o 20 de xaneiro e o do 9 de febreiro de 2026, para a presentación de solicitudes de participación, e non concorreu ningún aspirante.

Esta xerencia, de conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, na Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos do Servizo Galego de Saúde e na Axencia Galega para a Xestión do Coñecemento en Saúde, e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia,

RESOLVE:

Primeiro. Declarar deserta, por falta de concorrencia de aspirantes, a convocatoria para cubrir, polo procedemento de avaliación colexiada, o posto vacante de xefe/a do Servizo de Pneumoloxía da Área Sanitaria de Ourense, Verín e O Barco de Valdeorras.

Segundo. Contra esta resolución poderase interpoñer, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.

Ourense, 16 de febreiro de 2026

José Santiago Camba Bouzas
Xerente da Área Sanitaria de Ourense, Verín e O Barco de Valdeorras