En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coa instalación que se describe a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: substitución do CT Quizanes 2-32AL40 e peche da LMTS VII808 coa VII807.
Situación: lugar de Queizás, concello de Verín.
Características principais recollidas no proxecto:
– Desmonte do CT Quizanes 2, de tipo intemperie en apoio de formigón de tipo HV, con matrícula 32AL40. Desmonte de 28 m do tramo da LMT de alimentación ao CT entre o apoio núm. 9 da LMT VII808 e o apoio núm. 9-1-CT.
– Novo CT, de tipo prefabricado, en superficie, de manobra interior, con envolvente de formigón TC GPRS 4L1P TG+AC, con transformador de 250 kVA e R/T 20.000/400 V.
– LMT soterrada, a 20 kV, de 132 m de lonxitude, en condutor RHZ1-2OL 12/20 kV 3×(1×240 mm² Al), coa orixe e o final no entronque que se vai realizar na LMT VII808, no apoio compartido núm. D8 da LMTA DC VII808-VII807 logo de realizar entrada/saída no CT indicado anteriormente.
– LMT soterrada, a 20 kV, de 132 m de lonxitude, en condutor RHZ1-2OL 12/20 kV 3×(1×240 mm² Al), coa orixe e o final no entronque que se vai realizar na LMT VII807, no apoio compartido núm. D8 da LMTA DC VII808-VII807 despois de realizar entrada/saída no CT proxectado anterior.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro técnico industrial Antonio Javier Sabín Vázquez, colexiado núm. 2.233 do Coeticor, o 22.1.2026.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Os planos parcelarios do proxecto.
O que se fai público para o coñecemento xeral, así como, en particular, dos propietarios dos predios que figuran na relación anexa a este acordo e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación estará á disposición das persoas interesadas nas dependencias da Sección de Enerxía do Departamento Territorial de Ourense da Consellería de Economía e Industria (rúa Curros Enríquez, núm. 1, 3º, 32003 Ourense), das 9.00 ás 14.00 horas, de luns a venres, así como na seguinte ligazón web da Consellería:
https://economia.xunta.gal/transparencia/documentos-sometidos-a-informacion-publica
Ourense, 11 de febreiro de 2026
Alicia María López Míguez
Directora territorial de Ourense
ANEXO
Relación de bens e dereitos afectados
Número de expediente: IN407A 2026/005-3.
Situación: lugar de Queizás, concello de Verín.
Denominación: substitución do CT Quizanes 2-32AL40 e peche da LMTS VII808 coa VII807.
Predio núm. en proxecto: 1; referencia catastral: 32086A123000860000ZI.
Lugar: Piñeira.
Cultivo: labradío.
Titular: Manuel Cabido San Román.
Afeccións: ocupación de 5 m² de canalización soterrada.
Predio núm. en proxecto: 2; referencia catastral: 32086A123000850000ZX.
Lugar: Igrexa.
Cultivo: labradío.
Titular: Manuel Cabido San Román.
Afeccións: ocupación de 39 m² de canalización soterrada e ocupación temporal de 18 m².