De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (en diante, LPAC), sendo descoñecido o enderezo ou logo de intentada sen éxito a notificación persoal a través do servizo de Correos, notifícanselles ás persoas interesadas indicadas no anexo os acordos de inicio de expedientes de extinción de concesións de augas, por ter expirado o prazo concesional, ditados no expediente DH.A36.5950 e sete máis.

En cumprimento do artigo 46 da LPAC, as persoas interesadas poderán comparecer, no prazo de dez (10) días hábiles contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado (BOE), para coñecemento íntegro do acto que se notifica e constancia de tal coñecemento, nas oficinas de Augas de Galicia, situadas na praza Camilo Díaz Baliño, núms. 7-9, 15781 Santiago de Compostela, das 9.00 ás 14.00 horas, de luns a venres. Para isto, se o desexan, poderán concertar cita previa no correo electrónico rexaugas.augas@xunta.gal ou no teléfono 881 83 01 35.

As persoas interesadas disporán dun prazo de dez (10) días hábiles, contado a partir do día seguinte ao da publicación desta notificación, para presentar as alegacións que consideren pertinentes.

Santiago de Compostela, 18 de febreiro de 2026

José Ángel Someso Anguita
Xefe do Servizo de Tramitación de Autorizacións e Concesións

ANEXO

Nº de expediente	Interesado	Data do acordo
DH.A36.5950	Comunidade de Usuarios de Souto	23.1.2026
DH.A36.4687	Edelmiro Cores González	23.1.2026
DH.A15.18581	Domingo Antonio Abeleira Alén	23.1.2026
DH.A15.18347	Rafael Vicente Fraga Fariñas	23.1.2026
DH.A15.15056	Carmen Pedreira Barreiro	23.1.2026
DH.A15.17228	Manuel Rodríguez García	23.1.2026
DH.A15.18203	Balbina Outeiro Varela	23.1.2026
DH.A36.7846	Dolores Ribas Outeda e José Pazos Canay	23.1.2026