Mediante este anuncio faise público que pola Resolución da directora territorial da Consellería do Mar en Vigo, do 13 de febreiro de 2026, se autorizou a transmisión da titularidade do parque de cultivos mariños que a seguir se describe:

Identificación e localización: parcela número 544-E dos planos anexos ao documento de revisión dos parques de moluscos do Carril, termo municipal de Vilagarcía de Arousa.

Superficie: 832,68 m².

Data da resolución do outorgamento: 29.3.2019 (DOG núm. 76, do 22.4.2019).

Remate da vixencia: 23.4.2029.

Especies autorizadas: ameixa fina (Ruditapes decussatus), ameixa babosa (Venerupis corrugata), ameixa xaponesa (Ruditapes philippinarum), berberecho (Cerastoderma edule) e berberecho birollo (Cerastoderma glaucum).

Tipo de transmisión: mortis causa (mediante pacto sucesorio de mellora).

Actuais titulares: Paula Mariño Doval (***7787**) e María Guadalupe Doval Irago (***5728**).

Novas titulares: Paula Mariño Doval (***7787**) e Lara González Doval (***5728**).

As novas titulares subróganse no prazo, nos dereitos e nas obrigas das anteriores.

Vigo, 16 de febreiro de 2026

María Elena Suárez Sarmiento
Directora territorial de Vigo