A Xunta de Goberno Local do Concello de Vigo, na súa sesión ordinaria do día 21 de novembro de 2025, acordou aprobar o proxecto de texto inicial, que figura anexo á súa certificación, co seguinte título: Proposta de Convenio urbanístico de execución de planeamento, zona 3, sobre as parcelas sitas na praza de España, entre a rúa Pizarro (norte), a rúa Puerto Rico (sur) e a rúa Honduras (leste).

O dito convenio asinouse nas dependencias municipais da Xerencia Municipal de Urbanismo do Concello de Vigo, o 22 de xaneiro de 2026.

De conformidade co disposto no artigo 401.2 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia (LSG), unha vez negociados e subscritos, os convenios someteranse ao trámite de información pública, mediante un anuncio publicado no Diario Oficial de Galicia e nun dos xornais de maior difusión da provincia, durante un período mínimo dun mes (artigo 168.1 da LSG).

Na seguinte ligazón, na epígrafe de Convenios urbanísticos, poderá consultarse o convenio asinado o 22 de xaneiro de 2026, xunto coa certificación do acordo íntegro adoptado pola Xunta de Goberno Local do 21 de novembro de 2025:

https://hoxe.vigo.org/movemonos/urbanismo_pxom_2025.php?lang=gal

Vigo, 30 de xaneiro de 2026

O presidente da Xerencia Municipal de Urbanismo de Vigo
P.D. (Resolución do 4.7.2023)
María José Caride Estévez
Concelleira delegada da Área de Goberno de Urbanismo e Vivenda