O que subscribe, Enrique Besada Piñeiro, veciño do lugar de Castro do Medio, parroquia de Castro (Santa Baia), concello de Cerdedo-Cotobade, por este anuncio convoco á asemblea xeral a todos os usuarios de augas, co fin de constituírse en comunidade de usuarios segundo a lexislación de augas vixente e solicitar a correspondente concesión administrativa.

A asemblea terá lugar o vindeiro sábado 18 de abril de 2026, na Casa da Sociedade de Castro, ás 17.00 horas (primeira convocatoria) e ás 17.30 horas (segunda convocatoria), coa seguinte orde do día:

1. Elaboración dunha relación nominal de usuarios (nome, DNI, enderezo vivenda, ref. catastral, etc.) para constituírse en comunidade de usuarios e solicitar a concesión administrativa, así como elixir o nome e o domicilio da Comunidade.

2. Aprobación das bases ás cales, dentro da lexislación vixente, se terán que axustar os proxectos de ordenanzas e regulamentos polos cales se rexerá a Comunidade.

3. Designación dos membros que integrarán a Xunta de Goberno, encargada da dirección da Comunidade e da redacción das ordenanzas e regulamentos.

4. Rogos e preguntas.

Castro do Medio, 4 de marzo de 2026

Enrique Besada Piñeiro
Representante da Comunidade de Usuarios de Augas de Castro do Medio

ANEXO

Modelo de representación/delegación

Don/Dona_______________________________________, con DNI _______________, autorizo a don/dona ______________________________, con DNI _______________ , para que me represente na primeira asemblea do 18 de abril de 2026 da Comunidade de Usuarios de Augas de Castro do Medio (Cerdedo-Cotobade).