Está en trámite unha modificación substancial por incremento da superficie ocupada na concesión administrativa a favor de Club Marítimo Carrumeiro, para a explotación dun local construído polo concesionario, e da explanada anexa, para local social, bar-cafetaría, almacén, escola de vela e depósito de embarcacións deportivas, de acordo coa resolución de inicio de trámite, asinada pola Presidencia de Portos de Galicia o 5.3.2026 con base no documento técnico: Memoria valorada: instalación de peche perimetral modular desmontable e concesión administrativa de superficie exterior, asinado en xaneiro de 2022 pola arquitecta Ana Leo Fernández, colexiada núm. 1340.

O que se fai público, para os efectos previstos no artigo 70 da Lei 6/2017, do 12 de decembro, de portos de Galicia (DOG núm. 236, do 14 de decembro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro, sitas na avenida do Porto, núm. 5-1º, 15006 A Coruña, no prazo de vinte (20) días hábiles contados a partir do seguinte ao da publicación deste anuncio no Diario Oficial de Galicia. A documentación está dispoñible na web www.portosdegalicia.com

A Coruña, 10 de marzo de 2026

Lorena Solana Barjacoba
Xefa da Zona Centro