De acordo co establecido nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, emprázanse as persoas interesadas que se sinalan no anexo para seren notificadas por comparecencia por seren descoñecidas, ignorarse o lugar de notificación, ou ben porque, intentada esta, non se puido efectuar.

O acto obxecto de notificación é o acordo de aprobación inicial do proxecto de interese autonómico para a creación de solo destinado maioritariamente á construción de vivendas sometidas a algún réxime de protección pública en Arteixo (A Penouqueira, A Baiuca), que foi adoptado pola presidenta do Instituto Galego da Vivenda e Solo o 3 de marzo de 2026.

A comparecencia para coñecer o contido íntegro do dito acto deberá efectuarse no prazo de dez días, contados desde o seguinte ao da publicación deste anuncio, na sede do Instituto Galego da Vivenda e Solo en Santiago de Compostela, en Área Central, s/n, polígono das Fontiñas, das 9.00 ás 14.00 horas, de luns a venres.

A eficacia destas notificacións queda supeditada á súa publicación no taboleiro de edictos único (TEU) do Boletín Oficial del Estado (BOE).

Transcorrido o dito prazo sen se efectuar a comparecencia, as notificacións entenderanse producidas desde o día seguinte ao do vencemento do prazo sinalado para comparecer.

Santiago de Compostela, 27 de marzo de 2026

Heriberto García Porto
Director xeral do Instituto Galego da Vivenda e Solo

ANEXO

Referencia catastral	NIF/persoa a que se notifica
15005A08200041	Herdeiros de Calvete Hermida, Julia
15005A082000720000PK	Descoñecido
0348123NH4904N0001GG	32156126X
15005A08300010	Mosquera Mariño, Minia
15005A08300009	Herdeiros de Mosquera Narciso
15005A08200045	05900373E