DOG 67 do 13/4/2026 - ANUNCIO do 24 de marzo de 2026, da Área de Control e Seguimento do Dominio Público Hidráulico, polo que se someten a información pública os expedientes de extinción por caducidade de concesións de augas (expediente E-1146-P e doce máis).

VI. Anuncios

a) Administración autonómica

Augas de Galicia

ANUNCIO do 24 de marzo de 2026, da Área de Control e Seguimento do Dominio Público Hidráulico, polo que se someten a información pública os expedientes de extinción por caducidade de concesións de augas (expediente E-1146-P e doce máis).

En cumprimento do previsto no artigo 163.3 do Regulamento do dominio público hidráulico, aprobado polo Real decreto 849/1986, do 11 de abril, faise público que se están a tramitar os expedientes de extinción por caducidade das concesións indicadas no anexo, correspondentes ao expediente E-1146-P e doce máis.

As persoas interesadas poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 24 de marzo de 2026

José Souto Roig
Xefe da Área de Control e Seguimento do Dominio Público Hidráulico

ANEXO

Expediente	Titular	VMA (m3) QME (l/s)	Orixe	Destino	Lugar (L) Parroquia (P) Concello (C)
E-1146-P	Virginia García Camiña	1,5 l/s	Regatos Novás e Fonte do Lobo	Rega	L: Parada P: Pardemarín (Santa Baia) C: Estrada, A
E-1491-P	Central Lechera de Pontevedra, S.A.	0,58 l/s	Río Fontáns	Usos industriais	L: O Couso P: Xeve (Santo André) C: Pontevedra
E-124-C	José Miranda Fernández	133 l/s	Río das Pedras	Forza motriz	L: Portocarro P: Lesón (Santa Cruz) C: A Pobra do Caramiñal
E-53-L	José Guerreiro Rodríguez	90 l/s	Río Xudreiro	Forza motriz	L: Piñeiro P: Chavín (Santa María) C: Viveiro
E-69-C	María Giménez Barbeito	950 l/s	Río Mero	Forza motriz	C: Abegondo
E-73-313-C_01	Manuel Becerra Muñiz e Manuela López Maneiro	0,20 l/s	Arroio do Igrexario	Rega	C: Arteixo
E-73-313-C_02	Manuel Becerra Muñiz e Manuela López Maneiro	15 l/s	Arroio do Igrexario	Rega	C: Arteixo
E-69-792-C	Mercedes Carracedo Eiris, Manuel Carracedo Eiris, Ramón Caamaño Rey	62,13 l/s	Arroio Sumide ou Maía (arroio Casal de Perros)	Forza motriz e rega	P: Rus C: Carballo
E-62-515-C	Feliciano Crego Arrivi	0,90 l/s	Río Custido	Rega	C: Cedeira
E-132B-C	Josefa Muíño Vilar	0,35 l/s	Río Ferrerías ou Liñares ou Paldoeixa	Rega	C: Cedeira
E-62-979-C	Evangelina García Greco	0,20 l/s	Río Painceira ou Custido	Rega	C: Cedeira
E-162-C	Domingo Roca Fernández	125 l/s	Río Negrelle	Forza motriz	C: Aranga
E-187-C	Ignacio García Vigo	175 l/s	Río Vexo ou das Fervenzas	Forza motriz	L: Pontes da Carballeira P: San Vicente de Fervenzas C: Aranga