En virtude das atribucións conferidas polo ordenamento xurídico vixente, e de conformidade co establecido no artigo 50 da Lei orgánica 2/2023, do 22 de marzo, do sistema universitario (LOSU), e no artigo 90.2 dos estatutos da USC, aprobados polo Decreto da Xunta de Galicia 14/2014, do 30 de xaneiro (DOG do 12 de febreiro), e co acordo previo do Consello Social da Universidade de Santiago de Compostela na sesión do 13 de abril de 2026,

Este reitorado

RESOLVE:

Nomear a Juan Díaz Villoslada xerente da Universidade de Santiago de Compostela, con efectos a partir do día seguinte ao da súa publicación no Diario Oficial de Galicia.

De conformidade co artigo 70.1 dos estatutos desta universidade, o cargo de xerente ten a consideración de alto cargo.

Santiago de Compostela, 13 de abril de 2026

Rosa M. Crujeiras Casais
Reitora da Universidade de Santiago de Compostela