O Pleno do Concello de Caldas de Reis, en sesión do 18 de marzo de 2025, adoptou o seguinte acordo:

Primeiro. Aprobar o cambio de uso dos terreos cualificados como dotacional servizo público (SP +E147) a dotacional deportivo (DP E134), de conformidade co documento técnico denominado Modificación de cambio de uso das parcelas destinadas a equipamento público, redactado polo arquitecto Juan José Blanco Mella, resultando, como consecuencia, as seguintes superficies:

Descrición	Uso	Superficie (M2)
DP E134	Deportivo	13.558,55
SP E142	Estación Depuradora	6.623,00
SP +E147	Estación Depuradora	4.585,45

Segundo. Publicar o acordo de aprobación no Diario Oficial de Galicia e no Boletín Oficial da provincia de Pontevedra, e, posteriormente, solicitar a inscrición no Rexistro da Planeamento Urbanístico de Galicia, para os efectos de publicidade e eficacia do cambio de uso.

Terceiro. Proceder á modificación do Inventario Municipal de Bens, actualizando a ficha correspondente aos inmobles afectados.

Cuarto. Comunicar este acordo á Xerencia Territorial do Catastro de Pontevedra, para os efectos de actualización da descrición catastral dos inmobles afectados, e ao Rexistro da Propiedade de Caldas de Reis, solicitando a súa inscrición.

Caldas de Reis, 1 de abril de 2026

Jacobo Pérez Gulín
ALCALDE PRESIDENTE