De conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e con base nos criterios reitores aprobados na Mesa Sectorial de Sanidade pola Administración sanitaria e polas organizacións sindicais con representación nas institucións sanitarias do Servizo Galego de Saúde do 23 de decembro de 2009, modificados polo Acordo do 31 de xaneiro de 2014, así como no Acordo de bases aprobado na Comisión de Centro o 30 de abril de 2026, e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e na Orde do 22 de abril de 2020 (DOG núm. 82, do 29 de abril) sobre delegación de competencias en órganos centrais e periféricos da Consellería de Sanidade e do Servizo Galego de Saúde, e na Axencia Galega para a Xestión do Coñecemento en Saúde, modificada pola Orde do 25 de maio de 2020 (DOG núm. 103, do 29 de maio), esta xerencia

RESOLVE:

Primeiro. Anunciar a convocatoria do procedemento de mobilidade interna voluntaria nas categorías de persoal sanitario diplomado e de formación profesional, e de persoal de xestión e servizos do Hospital Público de Verín.

Segundo. As solicitudes para participar nesta convocatoria deberán presentarse nas unidades de rexistro dos centros integrantes da Xerencia da Área Sanitaria de Ourense, Verín e O Barco de Valdeorras, dentro do prazo de vinte (20) días hábiles contados desde o día seguinte ao da publicación do anuncio desta convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 16 da Lei 39/2015, do 1 de outubro, do procedemento administrativo común das administracións públicas.

Terceiro. As bases íntegras da citada convocatoria estarán expostas nos taboleiros de anuncios do Hospital Público de Verín e na intranet da Xerencia da Área Sanitaria de Ourense, Verín e O Barco de Valdeorras.

Ourense, 5 de maio de 2026

José Santiago Camba Bouzas
Xerente da Área Sanitaria de Ourense, Verín e O Barco de Valdeorras