Pola Resolución do 15 de abril de 2026 (DOG núm. 75, do 23 de abril) publicouse a relación provisional de persoas admitidas e excluídas no concurso ordinario para a provisión de postos de traballo vacantes de corpos de Administración especial da Administración xeral da Comunidade Autónoma de Galicia, corpo facultativo de grao medio, escala técnica facultativa, especialidade de educador e educadora infantil; corpo de técnicos/as de carácter facultativo, escala de axentes técnicos/as facultativos/as, especialidade de educación infantil; corpo de auxiliares de carácter técnico, escala auxiliar de coidadores, da Administración xeral da Comunidade Autónoma de Galicia, convocado pola Resolución da Dirección Xeral de Emprego Público e Administración de Persoal do 27 de febreiro de 2026 (DOG núm. 43, do 5 de marzo)
Transcorrido o prazo establecido nas bases para presentar reclamacións á exclusión das listas provisionais e dado que non se recibiu ningunha reclamación, esta dirección xeral, no uso da competencia delegada pola Consellería de Facenda e Administración Pública en virtude do disposto no artigo 1 da Orde do 8 de xaneiro de 2020 (DOG núm. 16, do 24 de xaneiro),
RESOLVE:
Primeiro. Elevar a definitiva a relación de persoas solicitantes admitidas e excluídas do concurso ordinario para a provisión de postos de traballo vacantes de corpos de Administración especial da Administración xeral da Comunidade Autónoma de Galicia, corpo facultativo de grao medio, escala técnica facultativa, especialidade de educador e educadora infantil; corpo de técnicos/as de carácter facultativo, escala de axentes técnicos/as facultativos/as, especialidade de educación infantil, e corpo de auxiliares de carácter técnico, escala auxiliar de coidadores, da Administración xeral da Comunidade Autónoma de Galicia.
A relación de persoas admitidas e excluídas publicarase no portal web corporativo da Xunta de Galicia na epígrafe de concurso de traslados https://www.xunta.gal/funcion-publica/concurso-de-traslados/consulta
A listaxe de persoas solicitantes excluídas figura como anexo desta resolución.
As respostas ás reclamacións poderán consultarse no portal web corporativo da Xunta de Galicia https://www.xunta.gal/funcion-publica/concurso-de-traslados/xeracion-de-reclamaciones co DNI e co código da reclamación formulado.
Segundo. Contra esta resolución, que pon fin á vía administrativa, poderase interpoñer recurso potestativo de reposición ante o conselleiro de Facenda e Administración Pública, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas ou, directamente, recurso contencioso-administrativo ante as seccións da orde xurisdicional contencioso-administrativa do tribunal de instancia correspondente, no prazo de dous meses contados desde a mesma data, de conformidade co establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 13 de maio de 2026
Nuria Aguilar Vázquez
Directora xeral de Emprego Público e Administración de Persoal
ANEXO
|
1º apelido |
2º apelido |
Nome |
NIF |
Motivo da exclusión |
|
Carballo |
Pérez |
Javier |
***2924** |
4 |
|
González |
Diéguez |
Sonia |
***2679** |
4,112 |
|
González |
Guizán |
María Celsa |
***4463** |
12 |
|
Moreno |
Marín |
Mercedes Patr. |
***5949** |
12 |
|
Mouzo |
Fuentes |
Alicia |
***0153** |
4 |
|
Rivas |
Almodóvar |
Sonia María |
***2486** |
4,112 |
|
Rodríguez |
Barros |
Digna Lía |
***1539** |
10,119 |
|
Cod. Causa |
Causa da exclusión |
|
4 |
Falta nomeamento para a escala/especialidade desde a que concursa |
|
10 |
Solicitude fóra de prazo ou sen rexistro de entrada |
|
12 |
Corpo-escala ou especialidade, rel.servizo ou tipo de Admón. non corresponde ás do concurso |
|
112 |
O concurso non está aberto ao seu corpo/Administración |
|
119 |
A persoa solicitante non segue o procedemento establecido |