Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio infórmase da presentación das follas de valoración da entidade beneficiaria no procedemento de expropiación sobre os bens e dereitos afectados pola instalación eléctrica denominada Proxecto modificado 1 da LMTA, LMTS, CTC e RBTS no Cumial e Muíño do Camba, situada no concello de Ourense, correspondentes aos predios e titularidades que se sinalan no cadro anexo. Así mesmo, indícase a data da acta de autorización á empresa beneficiaria para poder ocupar os predios afectados.
O texto íntegro das referidas follas de valoración atópase ao dispor das persoas titulares na sede do Departamento Territorial da Consellería de Economía e Industria (rúa Curros Enríquez, núm. 1, 4º andar, 32003 Ourense) tras pediren cita previa no teléfono 988 38 67 28, de 9.00 a 14.00 horas, de luns a venres. As persoas titulares disporán dun prazo de dez (10) días, contados a partir do día seguinte ao da publicación deste anuncio no taboleiro de edictos único do BOE, para solicitar a remisión das correspondentes follas ao enderezo que sinalen. Transcorrido o dito prazo de dez días sen se efectuar a comparecencia, a notificación entenderase producida desde o día seguinte ao do vencemento do prazo fixado para comparecer.
Ourense, 6 de maio de 2026
Alicia María López Míguez
Directora territorial de Ourense
ANEXO
Relación de afectados descoñecidos, con enderezo ignorado ou non notificados
Núm. de expediente: IN407A 2023/54-3.
Instalación: proxecto modificado 1 da LMTA, LMTS, CTC e RBTS no Cumial e Muíño do Camba.
Concello: Ourense.
Empresa beneficiaria: UFD Distribución Electricidad, S.A.
Data da acta de ocupación: 13 de marzo de 2026.
|
Predio núm. |
Lugar |
Referencia catastral |
Titular |
|
2 |
San Sellao |
32900A173001510000LR |
Descoñecido/a |
|
3 |
Serra Coterón |
32900A173003300000LG |
Descoñecido/a |
|
4 |
Rúa Cuartel |
6738502NG9863N0000ZG |
Descoñecido/a |
|
5 |
Serra Coterón |
32900A173002480000LI |
Descoñecido/a |
|
6 |
Serra Coterón |
32900A173002450000LR |
Descoñecido/a |
|
7/1 |
Serra Coterón |
32900A173003220000LH |
Descoñecido/a |
|
8 |
Rúa Cuartel |
6738510NG9863N0000BG |
Descoñecido/a |