Mediante a Orde do 26 de marzo de 2026 (DOG núm. 64, do 8 de abril) convocouse a provisión, polo sistema de libre designación, de tres postos de traballo vacantes na Consellería de Cultura, Lingua e Xuventude.
De conformidade co establecido no artigo 92 da Lei 2/2015, do 29 de abril, do emprego público de Galicia e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e demais normativa vixente, esta consellería,
RESOLVE:
Primeiro. Adxudicarlles os destinos nos postos de traballo que se indican ás persoas funcionarias de carreira que se relacionan no anexo I da presente orde, seleccionadas conforme ao establecido nas bases da convocatoria, efectuada pola Orde do 26 de marzo de 2026.
Segundo. O cesamento no actual destino efectuarase no prazo de tres días hábiles contados a partir do seguinte ao da publicación desta orde no Diario Oficial de Galicia.
O prazo para tomar posesión no novo destino obtido será de tres días hábiles, se non implica cambio de residencia, ou de sete días hábiles se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, de conformidade co establecido no artigo 8 do Decreto 151/2022, do 4 de agosto.
Terceiro. A xefatura do centro no que cause baixa a persoa funcionaria, así como a daquel no que obteña praza, realizará dentro dos prazos sinalados no punto anterior, as dilixencias de cesamento e toma de posesión, das que se lle dará traslado á Dirección Xeral de Emprego Público e Administración de Persoal.
Contra a presente orde, que esgota a vía administrativa, as persoas interesadas poderán interpoñer recurso potestativo de reposición perante o conselleiro de Cultura, Lingua e Xuventude, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 16 de maio de 2026
José Carlos López Campos
Conselleiro de Cultura, Lingua e Xuventude
ANEXO I
Nome e apelidos: María Begoña Mosteiro Blanco.
NIF: *** 1573**.
Subgrupo: A1.
Corpo ou escala: corpo superior da Administración xeral da Comunidade Autónoma de Galicia.
Posto de traballo: vicesecretaria xeral.
Código do posto: CU.201.00.001.15770.001.
Nivel: 30.
Centro de destino: Vicesecretaría Xeral.
Localidade: Santiago de Compostela.
Nome e apelidos: Pablo Crego Gil.
NIF: *** 6371**.
Subgrupo: A1.
Corpo ou escala: corpo superior da Administración xeral da Comunidade Autónoma de Galicia.
Posto de traballo: subdirectora xeral do Instituto da Xuventude de Galicia.
Código do posto: CU.701.00.001.15770.001.
Nivel: 30.
Centro de destino: Instituto da Xuventude de Galicia.
Localidade: Santiago de Compostela.
Nome e apelidos: Paula Betolaza Varela.
NIF: *** 0876**.
Subgrupo: C2.
Corpo ou escala: corpo auxiliar da Administración xeral da Comunidade Autónoma de Galicia.
Posto de traballo: secretaria do conselleiro.
Código do posto: CU.101.00.000.15770.001.
Nivel: 20.
Centro de destino: Gabinete do conselleiro.
Localidade: Santiago de Compostela.
* O NIF amósase cifrado coa finalidade de protexer os datos de carácter persoal.