DOG 100 do 1/6/2026 - ANUNCIO do 13 de maio de 2026, do Departamento Territorial da Coruña, polo que se notifica unha resolución de autorización administrativa previa, de construción e declaración de utilidade pública, en concreto, dunha instalación de distribución eléctrica no concello de Abegondo (expediente IN407A 2023/154-1), e unha resolución de emenda de erro material na antedita resolución.

VI. Anuncios

a) Administración autonómica

Consellería de Economía e Industria

ANUNCIO do 13 de maio de 2026, do Departamento Territorial da Coruña, polo que se notifica unha resolución de autorización administrativa previa, de construción e declaración de utilidade pública, en concreto, dunha instalación de distribución eléctrica no concello de Abegondo (expediente IN407A 2023/154-1), e unha resolución de emenda de erro material na antedita resolución.

Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar», mediante o presente anuncio notifícase ás persoas sinaladas no cadro anexo as seguintes resolucións:

• Resolución do 16 de febreiro de 2026, do Departamento Territorial da Coruña, pola que se concede a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Abegondo (expediente IN407A 2023/154-1).

• Resolución do 30 de marzo de 2026, de emenda de erro material en resolución do Departamento Territorial da Coruña, pola que se concede a autorización administrativa previa e de construción e a declaración de utilidade pública, en concreto, dunha instalación de distribución eléctrica no concello de Abegondo (expediente IN407A 2023/154-1).

As citadas resolucións corresponden ao proxecto de instalación eléctrica denominada LMT, CT e RBT Borreiros, no concello de Abegondo (expediente IN407A 2023/154-1).

O texto íntegro das resolucións que agora se anuncian está á disposición das persoas interesadas na sede do Departamento Territorial da Consellería de Economía e Industria da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Enerxía (teléfono de contacto 981 18 49 02), das 9.00 ás 14.00 horas, de luns a venres. As persoas interesadas disporán dun prazo de dez días, a partir da publicación deste anuncio, para solicitar a remisión da resolución ao enderezo que sinalen.

Contra a resolución, que non pon fin á vía administrativa, as persoas interesadas poderán interpoñer recurso de alzada perante a conselleira de Economía e Industria no prazo dun mes contado a partir da notificación da resolución, ou interpoñer calquera outro recurso que proceda.

A Coruña, 13 de maio de 2026

Isidoro Martínez Arca
Director territorial da Coruña

ANEXO

Modificado 1. LMT, CT e RBT Borreiros. Concello de Abegondo

Nº de predio	Lugar	Cultivo	Propietario/a	Afectación de solo en pleno dominio		Afectación de solo por servidume de paso de enerxía eléctrica
Nº de predio	Lugar	Cultivo	Propietario/a	Apoio nº	m2	ml aér.	ml sot.	m2 aér.	m2 sot.
1	Penedo Ref. catastral: Polígono: 508 Parcela: 657	Rústico. Agrario. Labor ou labradío secaño	José Manuel Gómez Gómez	97- 48 e 1 (PAS)	4,0	31,0		468,0
2	O Petón Ref. catastral: Polígono: 508 Parcela: 643	Labor ou labradío secaño	Descoñecido/a	Centro de transformación e acceso	26,19

Abreviacións:

ml aér.: lonxitude da servidume aérea en metros lineais.

m2 aér.: superficie de servidume aérea en m2.

ml sot.: lonxitude da servidume soterrada en metros lineais.

m2 sot.: superficie de servidume soterrada.