De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés,

RESOLVE:

Primeiro. Anunciar a convocatoria para a provisión, polo sistema de concurso de méritos e defensa pública dun proxecto, de varios postos de supervisor/a xeral e de unidade do Complexo Hospitalario Universitario de Pontevedra na Área Sanitaria de Pontevedra e O Salnés, que se relacionan no anexo I.

Segundo. As retribucións dos postos ofertados serán as que correspondan de acordo coa Orde anual pola que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar nesta convocatoria presentaranse, preferentemente, no Rexistro da Área Sanitaria Pontevedra e O Salnés, sito na rúa Loureiro Crespo, nº 2, Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do día seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas na intranet da Área Sanitaria Pontevedra e O Salnés, así como na páxina web do Servizo Galego de Saúde (www.sergas.es).

Pontevedra, 25 de maio de 2026

José Manuel Flores Arias
Xerente da Área Sanitaria de Pontevedra e O Salnés

ANEXO I

Postos

Denominación	Postos	Área Funcional	Centro
Supervisión Xeral	4	Complexo Hospitalario Universitario Pontevedra	Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Recursos Materiais	1	Recursos Materiais	Área Sanitaria de Pontevedra e O Salnés
Supervisión Unidade Coidados Intensivos	1	Proceso Cirúrxico	Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Reanimación/Espertar	1	Proceso Cirúrxico	Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Cardioloxía	1	Hospitalización	Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Diálise	1	Procesos de Soporte	Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Dietética	1	Procesos de Soporte	Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Radiodiagnóstico	1	Procesos de Soporte	Hospital Montecelo Complexo Hospitalario Universitario Pontevedra Área Sanitaria de Pontevedra e O Salnés
Supervisión Unidade Endoscopia	1	Procesos de Soporte	Complexo Hospitalario Universitario Pontevedra Área Sanitaria de Pontevedra e O Salnés