No Tribunal Superior de Xustiza de Galicia, Sección 1 do Contencioso-Administrativo, tramítase o recurso 175/26 (procedemento ordinario), interposto por Paula Sánchez Otero contra:

– A desestimación presunta por silencio administrativo da reclamación previa en materia de persoal presentada o 26 de xuño de 2025 ante a Dirección Xeral de Recursos Humanos do Servizo Galego de Saúde (Sergas), relativa ao acceso á praza vacante na especialidade de Cirurxía Xeral e do Aparello Dixestivo no Hospital de Pontevedra.

– A Resolución do 12 de marzo de 2025, da Dirección Xeral de Recursos Humanos, pola que se publica a relación de aspirantes definitivamente seleccionadas/os nos procesos selectivos, polo sistema de concurso de méritos, para o ingreso en diversas especialidades da categoría de facultativo/a especialista de área e de persoal licenciado sanitario, convocados polas resolucións do 26 de decembro de 2022, e se inicia o prazo para a elección telemática de destino (DOG núm. 54, do 19 de marzo) (especialidade: Cirurxía Xeral e Aparello Dixestivo).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove (9) días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 4 de xuño de 2026

María del Mar Pousa Cobas
Directora xeral de Recursos Humanos