O texto refundido da Lei de portos do Estado e da mariña mercante, aprobado polo Real decreto lexislativo 2/2011, do 5 de setembro, atribúelles no seu artigo 30 ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que deberán facerse necesariamente por proposta das administracións públicas e organismos e entidades que aqueles representen.

O Acordo do Consello da Xunta de Galicia do 16 de setembro de 2010 faculta a persoa titular da consellería competente en materia de portos para o exercicio das devanditas competencias.

Polo exposto, en exercicio da facultade atribuída,

DISPOÑO:

O cesamento de Javier Arias Fouz como vogal representante da Comunidade Autónoma de Galicia no Consello de Administración da Autoridade Portuaria de Ferrol-San Cibrao, agradecéndolle os servizos prestados.

Santiago de Compostela, 10 de xuño de 2026

Marta Villaverde Acuña
Conselleira do Mar