O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.

Visto o expediente instruído para a provisión de rexistros da propiedade, mercantís e de bens mobles vacantes en virtude de concurso ordinario número 324 convocado pola Resolución da Dirección Xeral de Seguridade Xurídica e Fe Pública, do 22 de abril de 2026 (BOE do 4 de maio), e resolto pola Resolución do 26 de maio de 2026, e de conformidade co artigo 284 da Lei hipotecaria, co 496 e demais concordantes do Regulamento para a súa execución, co Decreto da Xunta de Galicia 136/2024, do 20 de maio, polo que se establece a estrutura orgánica da Consellería de Presidencia, Xustiza e Deportes, e coas demais disposicións legais autonómicas pertinentes,

DISPOÑO:

Nomear as rexistradoras comprendidas na citada resolución e que se relacionan no anexo para prover os rexistros vacantes radicados no territorio da Comunidade Autónoma de Galicia.

Contra esta orde, que pon fin á vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou poderán interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 10 de xuño de 2026

Diego Calvo Pouso
Conselleiro de Presidencia, Xustiza e Deportes

ANEXO

• María Teresa Ruiz de la Peña González, rexistradora de Vigo nº 5 para o Rexistro Mercantil e de Bens Mobles de Pontevedra I.

• Marta Blanco Iglesias, rexistradora de Monforte de Lemos–Quiroga para o Rexistro de Ourense nº 2.

• Irene Bemposta Iglesias, rexistradora de Vigo nº 4 para o Rexistro de Ourense nº 1.

• María Amparo Tortajada Rodrigo, rexistradora de Rubí nº 1 para o Rexistro de Xinzo de Limia.