O Pleno da Corporación, en sesión plenaria ordinaria celebrada o 8 de maio de 2026, adoptou, entre outros, o seguinte acordo en relación co cambio de usos urbanísticos dotacionais, de conformidade co artigo 42.5 da Lei do solo de Galicia:

Aprobar o cambio de uso dos inmobles de natureza urbana, situados no Monte do Sino, coas referencias catastrais 15046A065003820000AB e 15046A065090020000AO.

O contido íntegro do cambio de uso aprobado pódese consultar fisicamente nas dependencias municipais de Urbanismo, tras cita que se solicitará ou ben por escrito no Rexistro municipal ou ben a través da sede electrónica municipal.

O dito acordo ten carácter de disposición administrativa de carácter xeral e contra el procede recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo de dous meses contados a partir do día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo da interposición de calquera outro recurso que se entenda máis procedente e sexa conforme a dereito.

Mazaricos, 28 de maio de 2026

Juan J. Blanco Riveiro
Alcalde