En cumprimento do previsto no artigo 142 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Comunidade de Usuarios de Forzáns-Aldea.

Expediente: DH.A36.116499.

Volume total anual: 19.129,99 m3/ano.

Caudal máximo instantáneo: 0,71 l/s.

Destino: abastecemento e outros usos industriais: fontes.

Orixe: nove mananciais na parcela 405 do polígono 8 do Catastro de Ponte Caldelas.

Lugar: Forzáns.

Parroquia: Forzáns.

Concello: Ponte Caldelas.

Descrición:

A auga captada en oito mananciais condúcese a unha caseta na parcela 405, polígono 8, que contén 73 depósitos individuais desde os cales se distribúe ás vivendas, locais e fontes que abastece a Comunidade. Preténdese facer unha novena captación e conectala tamén co depósito.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa López de Neira 3, oficina 403, 36202 Vigo (Pontevedra).

Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións pública.

Vigo, 22 de abril de 2026

Susana Pérez González
Xefa do Servizo Territorial da Zona Hidrográfica de Galicia Sur