Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o Xurado, na reunión celebrada o 17.9.2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión celebrada polo Xurado Provincial o día 12.6.2026 figuran os seguintes acordos:
– MVMC Vacariza, Cuteiro, Ransedo, Queimada e Coto, pertencente aos veciños da parroquia da Frairía, no concello de Castroverde. Expediente Castroverde/23_78/2025_26RE.
O 11.6.2025 tivo entrada unha solicitude formulada pola comunidade da Frairía para que se proceda á revisión do esbozo do seu monte veciñal conforme a delimitación gráfica que achegan. O 26.1.2026 presentaron unha emenda da solicitude tendo en conta o requirimento que lles foi enviado previamente.
O 11.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Vacariza, Cuteiro, Ransedo, Queimada e Coto en 97,65 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo I, ao final deste anuncio.
– MVMC Vilar, Ameiros e Cumbraos, pertencente aos veciños da parroquia de Cuíña, no concello de Lugo. Expediente Lugo/16_83/2025_31RE.
O 7.7.2025 tivo entrada unha solicitude da comunidade de Cuíña para que se proceda á revisión do esbozo do seu monte veciñal conforme a delimitación gráfica que achegan. Na tramitación do procedemento, tras darlle audiencia, o Concello de Lugo presentou alegacións en que expón a súa desconformidade con incorporar no MVMC tres parcelas das que é titular catastral.
Tendo en conta o anterior, o 21.10.2025 notificóuselle á comunidade de Cuíña a proposta de exclusión dos terreos reclamados polo Concello, motivada pola súa oposición a integralos no MVMC. Na notificación advertíaselles de que, no caso de non presentaren alegacións no prazo conferido, se entendería a súa conformidade. A comunidade de Cuíña non formulou alegacións nin oposición.
O 5.6.2026, o Servizo de Montes elaborou a proposta, que incorpora a nova cartografía do 3.3.2026, na cal se recolle a definición do novo esbozo revisado e fixa a superficie resultante do MVMC Vilar, Ameiros e Cumbraos en 26,42 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo II, ao final deste anuncio.
– MVMC Coutada e Pena da Sarna, pertencente aos veciños da parroquia de Barredo, no concello de Castroverde. Expediente Castroverde/20_78/2025_36RE.
O 15.7.2025 tivo entrada unha solicitude formulada pola comunidade de Barredo para que se proceda á revisión do esbozo do seu monte veciñal conforme a delimitación gráfica que achegan.
O 11.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Coutada e Pena da Sarna en 156,38 hectáreas.
Cabe sinalar que na dita proposta se desestima a exclusión dunha parcela con titularidade catastral a favor da propia comunidade, ao non constar documentación suficiente que desvirtúe a presunción da propiedade. Así mesmo, non se acepta a exclusión da zona interior que supoñería un encravado inexistente no esbozo orixinal, por entender que tal pretensión excede o obxecto e a natureza do propio procedemento de revisión cartográfica.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo III, ao final deste anuncio.
– MVMC Orgo, pertencente aos veciños dos lugares de Ferreira, Ferreiroa, Lamelas, Coto, Vilagondriz, Caldas, Escairo, Rego e Ramil, da parroquia de Lanzós, no concello de Vilalba. Expediente Vilalba/130_79/2025_39RE.
O 22.7.2025 tivo entrada unha solicitude formulada pola comunidade propietaria do MVMC Orgo para que se proceda á revisión do esbozo do seu monte, conforme a delimitación gráfica que achegan.
O 11.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Orgo en 399,43 hectáreas.
Cabe sinalar que na dita proposta se desestima a exclusión de dúas parcelas con titularidade catastral a favor da propia comunidade, ao non constar documentación suficiente que desvirtúe a presunción da propiedade. Así mesmo, non se incorporan aquelas parcelas de titularidade particular das que non achegaron o recoñecemento por parte dos seus titulares catastrais.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IV, ao final deste anuncio.
– MVMC Mexacas, Poste, Teso, Penedo, Serra de Rubián e Devesela, pertencente aos veciños de Rubián, no concello de Bóveda. Expediente Bóveda/3_2009/2025_43RE.
O 30.7.2025 tivo entrada unha solicitude formulada pola comunidade de Rubián para que se proceda á revisión do esbozo do seu monte veciñal, conforme a delimitación gráfica que achegan.
O 11.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Mexacas, Poste, Teso, Penedo, Serra de Rubián e Devesela en 54,87 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo V, ao final deste anuncio.
– MVMC Vilela, pertencente aos veciños do lugar de Vilela, na parroquia de Son, concello de Navia de Suarna. Expediente 134_78/2025_46RE.
O 12.8.2025 tivo entrada unha solicitude formulada pola comunidade de Vilela para que se proceda á revisión do esbozo do seu monte veciñal, conforme a delimitación gráfica que achegan. Tras unha primeira emenda presentada o 16.10.2025, reiteróuselles o requirimento por resultar incompleto o consentimento dos titulares dunha parcela obxecto de inclusión, sen que a nova resposta se axuste ao solicitado.
O 8.4.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Vilela en 75,20 hectáreas.
Cabe sinalar que na dita proposta se desestima a modificación do esbozo na contorna da parcela 27034A08000070, debido á falta do consentimento dos seus titulares catastrais.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VI, ao final deste anuncio.
– MVMC Verín e Carrás, pertencente aos veciños da Cazolga e O Mogo, na parroquia de Lourenzá, concello de Lourenzá. Expediente 36_80/2025_47RE.
O 13.8.2025 tivo entrada unha solicitude formulada pola comunidade de Cazolga e Mogo para que se proceda á revisión do esbozo do seu monte veciñal, conforme a delimitación gráfica que achegan.
O 2.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Verín e Carrás en 152,14 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VII, ao final deste anuncio.
– MVMC Froxán, pertencente aos veciños do lugar de Froxán, na parroquia de Vilamor, concello de Folgoso do Courel. Expediente 83_75/2025_50RE.
O 25.8.2025 tivo entrada unha solicitude formulada pola comunidade de Froxán para que se proceda á revisión do esbozo do seu monte veciñal, conforme a delimitación gráfica que achegan.
O 2.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Froxán en 1.010,76 hectáreas.
Cabe sinalar que na proposta non se aceptou a exclusión dunha parcela interior que supoñería un encravado, inexistente no esbozo orixinal, por entender que tal pretensión excede o obxecto e a natureza do propio procedemento de revisión cartográfica.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VIII, ao final deste anuncio.
– MVMC San Salvador, pertencente aos veciños da parroquia de Insua, no concello de Taboada. Expediente 75_83/2025_54RE.
O 28.8.2025 tivo entrada unha solicitude formulada pola comunidade de Insua para que se proceda á revisión do esbozo do seu monte veciñal, conforme a delimitación gráfica que achegan.
O 2.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC San Salvador en 39,51 hectáreas.
Cabe sinalar que na dita proposta se desestima a incorporación de dúas parcelas de titularidade particular ao non constar ningún documento de recoñecemento por parte dos seus titulares catastrais.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IX, ao final deste anuncio.
– MVMC Trabado, pertencente aos veciños do lugar de Trabado, na parroquia de Cereixedo, concello de Cervantes. Expediente 96_78/2025_57RE.
O 1.9.2025 tivo entrada unha solicitude formulada pola comunidade de Trabado para que se proceda á revisión do esbozo do seu monte veciñal, conforme a delimitación gráfica que achegan. O 12.12.2025, presentaron a certificación acreditativa do acordo da comunidade en asemblea. O 25.2.2026 tivo entrada a emenda da solicitude tendo en conta o requirimento que lles foi enviado.
O 27.4.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Trabado en 271,75 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo X, ao final deste anuncio.
– MVMC Amorín, San Fitoiro, Sales, Monciro e Salgueiros, pertencente aos veciños da parroquia da Meda, no concello de Castroverde. Expediente 25_78/2025_59RE.
O 29.9.2025 tivo entrada unha solicitude formulada pola comunidade da Meda para que se proceda á revisión do esbozo do seu monte veciñal, conforme a delimitación gráfica que achegan.
O 6.4.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Amorín, San Fitoiro, Sales, Monciro e Salgueiros en 677,06 hectáreas.
Cabe sinalar que na dita proposta se desestima a incorporación dunha parcela de titularidade particular ao non constar ningún documento de recoñecemento por parte dos seus titulares catastrais.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo XI, ao final deste anuncio.
– MVMC Hórreos, pertencente aos veciños do lugar de Hórreos, na parroquia de Hórreos, concello de Folgoso do Courel. Expediente 85_75/2025_64RE.
O 17.10.2025 tivo entrada unha solicitude da comunidade de Hórreos para que se proceda á revisión do esbozo do seu monte veciñal, conforme a delimitación gráfica que achegan.
O 2.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Hórreos en 346,75 hectáreas.
Cabe sinalar que na dita proposta se desestima a incorporación de catro parcelas de titularidade particular ao non constar ningún documento de recoñecemento por parte dos seus titulares catastrais.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo XII, ao final deste anuncio.
– MVMC Rebordaos, pertencente aos veciños da parroquia de Rebordaos, no concello do Saviñao. Expediente 5_99/2025_65RE.
O 20.10.2025 tivo entrada unha solicitude da comunidade de Rebordaos para que se proceda á revisión do esbozo do seu monte veciñal, conforme a delimitación gráfica que achegan.
O 2.3.2026, o Servizo de Montes elaborou unha proposta en que se recolle a definición do novo esbozo revisado e fixa a superficie resultante do MVMC Rebordaos en 103,92 hectáreas.
Cabe sinalar que na dita proposta se desestima a incorporación dunha parcela de titularidade particular, ao non constar o recoñecemento por parte dos seus titulares catastrais nin se acreditar a adquisición por parte da comunidade.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo XIII, ao final deste anuncio.
– MVMC Fonteo, pertencente aos veciños da parroquia de Fonteo, no concello de Baleira. Expediente 55_77/2020_68.
Revisados asuntos pendentes de acordar no Xurado, o Servizo de Montes comprobou que o 31.12.2020 tivera entrada unha solicitude formulada pola comunidade de Fonteo para que se proceda á revisión do esbozo do seu monte veciñal, conforme a delimitación gráfica que achegan (e que foi emendada o 6.4.2022 por requirimento daquel).
Tamén consta que o 3.11.2022 o Servizo de Montes emitira un informe en que indicaba a inviabilidade da revisión solicitada, pois propoñía a reincorporación de terreos que foron expresamente excluídos por particións xudiciais, as cales motivaron a modificación aprobada polo Xurado o 12.12.2001. Así mesmo, a proposta modificaba os límites con outros MVMC, o que require dun procedemento de deslindamento previsto no artigo 53 da Lei 7/2012, de montes de Galicia, e non dunha revisión do esbozo. Porén, non se deu traslado ao Xurado para os efectos oportunos.
Tendo en conta o anterior, o Xurado, por unanimidade, acorda non aceptar a revisión do esbozo do MVMC Fonteo.
Contra estes acordos poderá interpoñerse, desde o día seguinte ao da súa publicación no Diario Oficial de Galicia, recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 23 de xuño de 2026
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
