A Lei 6/2013, do 13 de xuño, do Sistema universitario de Galicia, establece que o Consello Social estará integrado por un máximo de trinta e unha persoas membros.

O artigo 77.2 da citada Lei 6/2013 establece que «son membros natos do Consello Social o/a reitor/a da universidade, o/a secretario/a xeral e o/a xerente da universidade».

A condición de persoa membro do Consello Social adquírese unha vez cumpridos os requisitos de designación, nomeamento e publicación no Diario Oficial de Galicia, e produce efectos a partir desa data.

A duración do mandato será a establecida polos estatutos da universidade.

Con datas do 30 de xuño e do 3 de xullo de 2026, o secretario do Consello Social da Universidade de Vigo comunica os nomeamentos da secretaria xeral e da xerente da universidade, respectivamente. Acompañan a estas solicitudes as resolucións reitorais do 25 de xuño de 2026 e do 1 de xullo de 2026.

O artigo 77.4 da Lei 6/2013, do 13 de xuño, establece que os acordos de designación de membros do Consello Social seranlle comunicados á persoa titular da consellería competente en materia de universidades, quen procederá ao seu nomeamento mediante orde da súa consellería.

Por todo iso,

DISPOÑO:

Artigo 1

Nomear como membro nato do Consello Social da Universidade de Vigo a Emma Rodríguez Rodríguez, secretaria xeral da Universidade de Vigo, en substitución de María José Bravo Boch.

Artigo 2

Nomear como membro nato do Consello Social da Universidade de Vigo a Ana María Comesaña Álvarez, xerente da Universidade de Vigo, en substitución de Yolanda Lesmes Romero.

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 6 de xullo de 2026

Román Rodríguez González
Conselleiro de Educación, Ciencia,
Universidades e Formación Profesional