A Xunta de Goberno Local, en sesión que tivo lugar o día 6.5.2026, adoptou o seguinte acordo:

«Primeiro. Aprobar inicialmente o expediente de expropiación forzosa, polo procedemento de taxación conxunta, dos bens e dereitos que se necesitan ocupar para a execución do polígono G de Paradai, correspondentes aos propietarios non incorporados á xunta de compensación.

Relación de bens e dereitos para expropiar:

Número de parcela	Referencia catastral	Superficie total da parcela (m²)	Titular catastral	Superficie que se expropia (m²)
34	8046734PH1684N0001XS	166,36	Marcelino Cobas Cobas	2,28
35	8046735PH1684N0001IS	101,88	Juan Bautista Carreira Darriba	8,59
36	8046736PH1684N0001JS	179,83	Manuela Ascariz Blanco	84,74
38	8046738PH1684N0001SS	329,20	María Gloria Rodil Álvarez	133,25

Segundo. Someter o proxecto de expropiación a información pública polo prazo dun mes, de conformidade co artigo 118.2 LSG, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos.

Durante este prazo, o expediente estará á disposición das persoas interesadas nas dependencias do Servizo de Urbanismo do Concello de Lugo.

A información pública efectuarase mediante a inserción de anuncios no Diario Oficial de Galicia, nun xornal dos de maior circulación da provincia e no taboleiro de anuncios do Concello de Lugo.

Terceiro. Notificarlles ás persoas que aparezan como titulares de bens ou dereitos no expediente, mediante traslado literal da correspondente folla de valoración e da proposta de fixación dos criterios de valoración, para que poidan formular alegacións no prazo dun mes, contado a partir da data de notificación».

Lugo, 26 de xuño de 2026

A alcaldesa
P.D. (Decreto nº 4033/2026)
Ramón Manuel Cabarcos Rodríguez
Tenente de alcaldesa delegado da Área de Urbanismo