De conformidade co disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, e no uso da competencia atribuída a este departamento territorial, intentadas as notificacións das resolucións ditadas no último domicilio das persoas interesadas citadas no anexo sen que estas se puidesen efectuar por causas non imputables á Administración, a través deste anuncio emprázanse para seren notificadas dos ditos actos administrativos.
Así, no prazo de dez (10) días hábiles, contados desde o día seguinte ao da publicación do dito anuncio no Boletín Oficial del Estado (BOE), poderán comparecer para teren coñecemento do contido íntegro dos referidos actos e dos seus expedientes, e advírteselles que, de non facelo, entenderase practicada a notificación ao vencemento do prazo indicado para comparecer.
As persoas interesadas poderán comparecer, persoalmente ou debidamente representadas, no Departamento Territorial da Consellería de Política Social e Igualdade da Coruña, Servizo de Dependencia (rúa Concepción Arenal, nº 7-9), das 9.00 ás 14.00 horas.
Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no BOE.
Advírtese que, transcorrido o prazo sen efectuar a comparecencia, a notificación entenderase producida ao vencemento do dito prazo indicado para comparecer.
Advírtese que contra estas resolucións, que non esgotan a vía administrativa, poderase interpoñer reclamación previa á vía xurisdicional social neste departamento territorial no prazo de trinta (30) días hábiles, contados desde o día seguinte ao da notificación das ditas resolucións, efectuada por comparecencia, de conformidade co artigo 71 da Lei 36/2011, do 10 de outubro, reguladora da xurisdición social.
A Coruña, 28 de maio de 2026
María Blanco Aller
Directora territorial da Coruña
ANEXO
Procedemento BS614B
|
Número de expediente |
DNI |
Contido do acto |
Data do documento |
|
0444 |
79311652Q |
Desistencia e acordo de arquivamento |
16.1.2026 |
|
0077 |
33155558T |
Denegación por esgotamento de crédito |
7.4.2026 |