BDNS (Identif.): 919924.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:

https://www.infosubvenciones.es/bdnstrans/GE/es/convocatoria/919924

Primeiro. Beneficiarias/os

Artesás/áns e obradoiros artesáns con recoñecida traxectoria profesional e que están ou estiveron inscritos no Rexistro Xeral de Artesanía de Galicia, segundo o premio a que opten.

Segundo. Obxecto

Aprobar as bases reguladoras dos premios de Artesanía de Galicia, convocar os premios para o ano 2026 e autorizar a Fundación Pública Artesanía de Galicia para a súa concesión.

Terceiro. Bases reguladoras

Publícanse conxuntamente coa convocatoria.

Cuarto. Importe

A dotación económica global dos premios de Artesanía de Galicia é de 21.000 € e financiarase con cargo aos orzamentos da Fundación Pública Artesanía de Galicia.

Os premios de Artesanía de Galicia constarán das seguintes categorías:

• Premio Artesanía de Galicia 2026.

Dotación de 9.000,00 € e trofeo acreditativo.

• Premio Traxectoria 2026.

Trofeo acreditativo e sen dotación económica.

• Premio Bolsas Eloy Gesto 2026.

Ata tres bolsas de formación de 4.000 € cada unha e diploma acreditativo.

Quinto. Prazo de presentación de solicitudes

O prazo de presentación de candidaturas iniciarase a partir das 8.00 horas do 21 de setembro de 2026 e rematará ás 14.30 horas do 1 de outubro de 2026.

Santiago de Compostela, 7 de xullo de 2026

José González Vázquez
Conselleiro de Emprego, Comercio e Emigración