En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Concello de Mañón.

Volume total anual: 14.618,25 m³/ano.

Caudal máximo instantáneo: 4,12 l/s.

Destino: abastecemento municipal (doméstico e gandeiro) á parroquia das Grañas do Sor.

Orixe: pozos nas zonas Faladoira 1 e Faladoira 2.

Faladoira 1.1 (existente).

Coord. UTM: x=597222; y=4825471 (ETRS89 fuso 29).

Faladoira 1.2 (existente).

Coord. UTM: x=597.234; y=4.825.487 (ETRS89 fuso 29).

Faladoira 1.3 (nova execución).

Coord. UTM: x=597.236; y=4.825.580 (ETRS89 fuso 29).

Faladoira 1.4 (nova execución).

Coord. UTM: x=597.234; y=4.825.535 (ETRS89 fuso 29).

Faladoira 2.1 (existente).

Coord. UTM: x=597.579; y=4.826.721; (ETRS-89 fuso 29).

Faladoira 2.2 (existente).

Coord. UTM: x=597.602; y=4.826.737; (ETRS-89 fuso 29).

Lugar: Alto da Faladoira.

Parroquia: As Grañas do Sor (San Mamede).

Concello: Mañón.

Descrición do aproveitamento:

No Alto da Faladoira están as captacións que o Concello de Mañón emprega para abastecer os lugares da parroquia das Grañas do Sor desde o depósito da Graña. Na zona que denominaremos Faladoira 1, na parcela con referencia catastral 15045A035003970000UB, existen dous pozos cuxas augas se conducen por gravidade ata unha caseta (depósito) e desde aí parte a tubaxe ata a estación de tratamento de auga potable (ETAP) e depósito da Graña. Nesta zona o Concello pretende executar dous novos pozos, con funcionamento complementario e puntual da traída, para conectar por bombeo coa caseta anterior ata A Graña.

Na zona que denominaremos Faladoira 2, na parcela con referencia catastral 15045A035003970000UB, existen dous pozos con bombeo que van a unha caseta (depósito) e desde aí parte outra tubaxe ata o depósito e ETAP da Graña.

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal) ), e nas oficinas deste servizo territorial, situadas na r/ Vicente Ferrer, 2, 9º andar, 15008 A Coruña. Para facilitar esta consulta poderase solicitar cita previa no teléfono 981 18 25 30.

Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

A Coruña, 23 de xuño de 2026

Néstor Rodríguez Arias
Xefe do Servizo Territorial da Zona Hidrográfica de Galicia Norte