A instalación denominada Substitución dos apoios AHM86Q4G//276, AHKSAEP2//277, AHJHDTIT//278 e AHI9H2JU//279 da LMTA LAL805 foi declarada de utilidade pública mediante a Resolución do 19 de xuño de 2026, do Departamento Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o 23 de setembro de 2026, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Forcarei.

A persoa interesada recibirá unha notificación individual coa debida antelación legal, na cal se lle comunicarán a data e a hora en que deberá presentarse no seu predio, informándoa de que poderá ir acompañada por un perito ou un notario, pola súa conta, se así o considera conveniente.

Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.

Vigo, 2 de xullo de 2026

Beatriz López del Olmo
Directora territorial de Pontevedra

ANEXO

Nº	Referencia catastral	Lugar	Titular	Núm. apoio	m² solo
1	36018A071001710000XI	Bosque	Descoñecido	1	2,25
2	6018A071002750000XW	Bosque	Descoñecido	1	1,44
3	36018A071003670000XU	Devesa	Descoñecido	1	1,44
4	36018A071004790000XM	Coviña	Descoñecido	1	1,44