Visto o expediente para outorgamento da autorización administrativa previa e de construción da instalación eléctrica que a seguir se describe:

Peticionaria: UFD Distribución Electricidad, S.A.

Domicilio social: avenida de América, 38, 28028 Madrid.

Denominación: Recuamento LMTA SAR804-rúa da Bidueira-Oural (Sarria).

Situación: concello de Sarria.

Características técnicas principais:

– Liña aérea de alta tensión a 20 kV SAR804 (expediente MNS-2022-07 AT), con orixe no apoio nº 70 existente da LAMTA SAR804 e final no apoio D71-1 existente da LMTA SAR804, cunha lonxitude de 173 metros en condutor LA-110.

– Liña aérea de alta tensión a 20 kV SAR804 (expediente 215-2016 AT), coa orixe no apoio nº D71X proxectado tipo C-18/7000 da LAMTA SAR804 e final no apoio D73 existente da LMTA SAR804, cunha lonxitude de 238 metros en condutor LA-110.

– Liña aérea de alta tensión a 20 kV SAR804 (expediente 3397 AT), coa orixe no apoio nº D72 proxectado tipo C-16/4500 da LAMTA SAR804 e final no apoio D72-1 proxectado tipo C-16/2000 da LMTA SAR804, cunha lonxitude de 60 metros en condutor LA-56.

– Liña aérea de alta tensión a 20 kV SAR804 (expediente 3397 AT), coa orixe no apoio nº D72-2 proxectado tipo C-12/2000 da LAMTA SAR804 e final no apoio D72-3 existente da LMTA SAR804, cunha lonxitude de 70 metros en condutor LA-56.

– Liña soterrada de alta tensión a 20 kV SAR804, coa orixe no apoio nº D71 proxectado e final no apoio nº 71X proxectado, cunha lonxitude de 79 metros en condutor RHZ1-240 mm.

– Liña soterrada de alta tensión a 20 kV SAR804, coa orixe no apoio nº D72-1 proxectado e final no apoio nº 72-2 proxectado, cunha lonxitude de 70 metros en condutor RHZ1-240 mm.

Finalidade da instalación: mellora das instalacións.

Orzamento: 86.227,04 €.

Documentación que se xunta:

– Separata para o Concello de Sarria.

– Separata para a Confederación Hidrográfica Miño Sil.

– Separata para Telefónica.

– Separata para o Ministerio de Transportes (ADIF).

Este departamento territorial, de acordo coas competencias que resultan do Decreto 140/2024, do 20 de maio, polo que se establece a estrutura orgánica da Consellería de Economía e Industria, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción das ditas instalacións, sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, supeditada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución e a dirección de obra deberá levala a cabo un técnico competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento se deberán cumprir as normativas e as directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Cuarta. O prazo de posta en marcha das instalacións que se autorizan será de dous anos, contados a partir da data da última autorización administrativa necesaria para a súa execución. En caso de resultar aplicable, en función da tipoloxía da instalación, deberán respectarse os prazos establecidos no artigo 13.9 do Regulamento (UE) núm. 2024/573 do Parlamento Europeo e do Consello, do 7 de febreiro de 2024, sobre os gases fluorados de efecto invernadoiro, polo que se modifica a Directiva (UE) núm. 2019/1937, e se derroga o Regulamento (UE) núm. 517/2014 (DOUE núm. 573, do 20 de febreiro de 2024), sobre prohibicións para a posta en funcionamento de aparellaxe eléctrica que empregue gases fluorados de efecto invernadoiro, ou cuxo funcionamento dependa deles, nun medio illante ou de rotura. Unha vez construídas estas instalacións, a empresa promotora deberá presentar a solicitude de autorización de explotación ante este departamento territorial, acompañada da documentación requirida na lexislación vixente de aplicación.

Contra esta resolución poderase interpor recurso de alzada, ante a conselleira de Economía e Industria, no prazo dun mes a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 7 de xullo de 2026

Gustavo José Casasola de Cabo
Director territorial de Lugo